ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଠାରେ ସଂଯୋଗ ସାହିତ୍ୟ, କୁଣ୍ଡା ପିଠା, ଘଟଗାଁ, କେନ୍ଦୁଝର ଆନୁକୂଲ୍ୟରେ ପଶ୍ଚିମାଞ୍ଚଳ ବିଶେଷାଙ୍କ ପୁସ୍ତକ ଲୋକାର୍ପଣ ଉନ୍ମୋଚନ ଓ କବିତା ପାଠୋତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲା ଲିଙ୍ଗମାର୍ଣି ଗ୍ରାମର ଭିକାରୀ ଚରଣ ପଧାନ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ବୌଦ୍ଧ ଜିଲ୍ଲାର କିଶୋର ଚନ୍ଦ୍ର ମିଶ୍ର ଯୋଗଦେଇଥିଲେ । ସମ୍ମାନ୍ନିତ ଅତିଥି ଭାବେ ଉପସ୍ଥିତ ଥିଲେ ଡୁଙ୍ଗୁରିପାଲି ମହାବିଦ୍ୟାଳୟର ଅବସର ପ୍ରାପ୍ତ ଅଧ୍ୟକ୍ଷ ସାମନ୍ତ ସାହୁ ଓ ସଂଯୋଗ ସାହିତ୍ୟ ସଂସଦର ସଭାପତି ଉପେନ୍ଦ୍ର ଦାଶ । ଉକ୍ତ ସଭାରେ ସଭାପତି ଭାବେ ଆଗଲପୁର ବିଞାନ ମହାବିଦ୍ୟାଳୟର ଅବସର ପ୍ରାପ୍ତ ଅଧ୍ୟକ୍ଷ ଜୟନ୍ତ କୁମାର ସିଂଦେଓ । ଅକ୍ଷୟ କୁମାର ଭୋଇ ମଂଚ ପରିଚାଳନା କରିଥିବା ବେଳେ ସଂଯୋଗ ସଜଫୁଲର ରାଜ୍ୟ ସଂଚାଳକ ହୃଷିକେଶ ଦାଶ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ସମସ୍ତ କବିମାନଙ୍କୁ ମାନପତ୍ର ଓ ଉତ୍ତରୀୟ ସହ ସମ୍ମାନୀତ କରାଯାଇଥିଲା । ଉପସ୍ଥିତ ସମସ୍ତ କବିମାନେ ଅତି ସୁନ୍ଦର ଭାବରେ ନିଜ ନିଜ କବିତାମାନ ପାଠ କରିଥିଲେ । କବିତାଗୁଡ଼ିକ ଅତି ଚମତ୍କାର ଓ ହୃଦୟସ୍ପର୍ଶୀ ହେବା ସହ ସମାଜକୁ ଉଚିତ ମାର୍ଗଦର୍ଶନ ଦେବ ବୋଲି ଅତିଥିବୃନ୍ଦ ନିଜ ମନ୍ତ୍ୟବ୍ୟରେ ପ୍ରକାଶ କରିଥିଲେ । ପରିଶେଷରେ ମୁଖ୍ୟ ସଂପାଦକ ସନ୍ତୋଷ କୁମାର ପତି ଧନ୍ୟବାଦ ଅର୍ପଣ କରିଥିଲେ ।