ବରଗଡ଼, (ସତ୍ୟନାରାୟଣ ପ୍ରଧାନ) : କୋଶଳ ପ୍ରବାହ ସାପ୍ତାହିକ ସମ୍ବାଦ ପତ୍ରର ୨୧ବର୍ଷ ପୂର୍ତ୍ତି ଓ ‘କୋଶଳ ପ୍ରବାହ ଲାଇଭ୍’ର ପ୍ରଥମ ବାର୍ଷିକୀ ଉତ୍ସବ ଅବସରରେ ବଲାଙ୍ଗିର ଜିଲ୍ଲା ସାମ୍ବାଦିକ ଭବନଠାରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ପାଟଣାଗଡ଼ ବିଧାୟକ ସରୋଜ ମେହେର ଯୋଗଦେଇଥିଲେ । ଏହି ଅବସରରେ ବରଗଡ଼ର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ନିଷ୍ଠା ପରିବାରକୁ ରକ୍ତଦାନ, ସାମାଜ ସେବା ଓ କରୋନା କାଳରେ ଉଲ୍ଲେଖନୀୟ ଅବଦାନ ପାଇଁ “କରୋନା ଯୋଦ୍ଧା” ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା । ଏହି ସମ୍ମାନୀତ କାର୍ଯ୍ୟକ୍ରମରେ ନିଷ୍ଠା ପରିବାରର ସଭାପତି ରକ୍ଷପାଲ ସାହୁ, ସମ୍ପାଦକ ଅଶ୍ୱିନୀ କୁମାର ତ୍ରିପାଠୀ, କୋଷାଧ୍ୟକ୍ଷ ଶ୍ୟାମ ସୁନ୍ଦର ସାହୁ, ରାତ୍ର ପ୍ରଧାନ, ରୋହିତ ସାହୁ ପ୍ରମୁଖ ଉପସ୍ଥିତ ଥିଲେ । ବଲାଙ୍ଗିର ମାଟିରେ ଆମ ଅନୁଷ୍ଠାନକୁ ସମ୍ବର୍ଦ୍ଧିତ କରିଥିବାରୁ ନିଷ୍ଠା ପରିବାର ତରଫରୁ ‘କୋଶଳ ପ୍ରବାହ’ର ପ୍ରତିଷ୍ଠାତା ଆନନ୍ଦ ଚନ୍ଦ୍ର ସାହୁ ଓ ତାଙ୍କ ପୁରା ଟିମ୍କୁ ନିଷ୍ଠା ପରିବାର ତରଫରୁ ବହୁତ ବହୁତ ଧନ୍ୟବାଦ ଜଣାଇଛନ୍ତି ।
