ବଙ୍ଗୋମୁଣ୍ଡା, (ପୁସ୍ତମ ଯୁଆଡି) : କନେକଟେଡ୍ ଇଣ୍ଡିଆ ମୁମ୍ବାଇ ଦ୍ୱାରା ଆୟୋଜିତ ଅନ୍’ଲାଇନ ଜାତୀୟ ସ୍ତରୀୟ ଇଣ୍ଡିଆନ ଟେଲଣ୍ଟ ଲିବ୍ରାରୀ ପ୍ରତିଯୋଗିତାରେ ଗୀତ ଗାଇ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ, କପିଲଭଟା ପଂଚାୟତ ଅନ୍ତର୍ଗତ ବର୍ତୁଣ୍ଡା ଗାଁର ଖଗେଶ୍ୱର ବାଗ ପ୍ରଥମ ସ୍ଥାନ ଅଧିକାର କରିଛନ୍ତି । ଏହି ପ୍ରତିଯୋଗିତାରେ ଅନେକ ରାଜ୍ୟର ପ୍ରତିଯୋଗୀ ମାନେ ଭାଗ ନେଇଥିଲେ । କିନ୍ତୁ ଜର୍ଜ ମାନଙ୍କୁ ଚକିତ କରିଥିଲା ଖଗେଶ୍ବରଙ୍କ ସୁମଧୁର କଣ୍ଠ । ଏହି କାର୍ୟ୍ୟକ୍ରମରେ ସଙ୍ଗୀତର ବିଭିନ୍ନ ବିଭାଗରେ ଇଭେଣ୍ଟ ଗୁଡିକ ଆୟୋଜିତ ହୋଇଥିଲା । ପ୍ରସନ୍ନପାଲ ମହାବିଦ୍ୟାଳୟ ଭାଲୁମୁଣ୍ଡାରେ ଯୁକ୍ତ ଦୁଇ ପଢ଼ିଥିବା ଖଗେଶ୍ୱର ଏହି ସଫଳତା ପଛରେ ଗୁରୁ ରେଣୁରଞ୍ଜନ ବାଗ (ବଙ୍ଗୋମୁଣ୍ଡା )ଙ୍କ ଅବଦାନ, ମାତା ପିତାଙ୍କ ଆଶୀର୍ବାଦ ଏବଂ ସମସ୍ତଙ୍କର ଭଲପାଇବା ରହିଛି ବୋଲି କହିଛନ୍ତି । ସେ ଏହି କୃତିତ୍ୱ ହାସଲ କରିଥିବାରୁ ଅଂଚଳରେ ଖୁସିର ମାହୋଲ ଖେଳିି ଯାଇଛି ।