ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ମହାବିଦ୍ୟାଳୟର ଅଧ୍ୟକ୍ଷ ଗୋବିନ୍ଦଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠାନ ସଭାଗୃହରେ କଲେଜର ପୂର୍ବତନ ଛାତ୍ରଛାତ୍ରୀଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ମୋ’ କଲେଜର ଆବାହକ ଶାନ୍ତିପ୍ରିୟା ହୋତା ନିଜ ଅଭିଭାଷଣରେ ଗୋଟିଏ କଲେଜର ବିଭିନ୍ନ ଉନ୍ନୟନମୂଳକ କାମରେ ପୂର୍ବତନ ଛାତ୍ରଛାତ୍ରୀଙ୍କ ଭୂମିକାର ଗୁରୁତ୍ୱ ଉପରେ ଆଲୋକପାତ କରିଥିଲେ । ଏଥିସହିତ ରାଜ୍ୟ ସରକାରଙ୍କ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶ କ୍ରମେ କଲେଜର ପୂର୍ବତନ ଛାତ୍ରଛାତ୍ରୀଙ୍କୁ ନେଇ ଏକ ଆଲୁମିନି କମିଟି ଗଠନ ପାଇଁ ପ୍ରସ୍ତାବ ରଖିଥିଲେ । ଏହି ପରିପ୍ରେକ୍ଷୀରେ ଉପସ୍ଥିତ ପୂର୍ବତନ ଛାତ୍ରଛାତ୍ରୀଙ୍କ ସହମତି କ୍ରମେ ସଭାପତି ଭାବେ ସରୋଜ ବିଶ୍ୱାଳ, ସମ୍ପାଦକ ଶିବକୁମାର ଅଗ୍ରୱାଲ୍ ଏବଂ କୋଷାଧ୍ୟକ୍ଷ ଭାବେ ସୁବ୍ରତ ନାୟକଙ୍କୁ ମନୋନୀତ କରାଯାଇଥିଲା । ଏଥିସହିତ ଏକ ୯ ଜଣିଆ କମିଟି ମଧ୍ୟ ଗଠନ କରାଯାଇଥିଲା । କମିଟିରେ ପ୍ରତାପ କୁମାର ବହିଦାର, ପ୍ରଦୀପ ବଗର୍ତ୍ତି, ସନ୍ତୋଷ ସିଂଲାଲ୍, ସରୋଜ ମହାକୁର, ସୁମନ୍ତ ସାହୁ, ସମ୍ପଦ ପୋଢ, ବବିତା ବେହେରା, ନିଳିମା ବଗର୍ତ୍ତି, ସୁଷମା ଭୋଇ ପ୍ରମୁଖ ରହିଛନ୍ତି । ପରିଶେଷରେ ଅଧ୍ୟାପକ ସନ୍ତୋଷ ଦାସ ଧନ୍ୟବାଦ ଅର୍ପଣ କରିଥିଲେ ।