ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ଥାନା ବଡ଼ମାଳ ଫାଣ୍ଡି ଅଧୀନସ୍ଥ ଗଣ୍ଡପତ୍ରାପାଲି ପଞ୍ଚାୟତର ଭତାସର ଗାଁର ଜଣେ ବ୍ୟକ୍ତି ଘରୋଇ କଳହକୁ କେନ୍ଦ୍ର ଜଣେ ବୃଦ୍ଧ ଆତ୍ମହତ୍ୟା କରିଥିବା ଜଣାପଡ଼ିଛି । ମୃତ ବ୍ୟକ୍ତିଙ୍କ ନାମ ଉପେନ୍ଦ୍ର ରଣା ଓରଫ ଫକୀର (୫୦) ବୋଲି ଜଣାପଡିଛି । ପ୍ରକାଶ ଯେ, ଉପେନ୍ଦ୍ର ତାଙ୍କ ଚାଷ ଜମିକୁ ଯାଇଥିଲେ । ଏହାପରେ ଘରକୁ ଫେରିବା ପରେ ଅସୁସ୍ଥ ଅନୁଭବ କରିବା ପରେ ପରିବାର ଲୋକେ ଉପେନ୍ଦ୍ରଙ୍କୁ ସଇଁତଲା ଡାକ୍ତରଖାନାରେ ଆଣି ଭର୍ତ୍ତି କରିଥିଲେ । ପରେ ଡାକ୍ତର ତାଙ୍କୁ ମୃତ ଘୋଷଣା କରି ପୋଲିସକୁ ଖବର ଦେଇଥିଲେ । ଘଟଣାର ଖବର ପାଇ ବଡ଼ମାଲ ଫାଣ୍ଡି ଅଧିକାରୀ ହରେକୃଷ୍ଣ ମାଝୀ ପହଞ୍ଚି ଶବକୁ ଜବତ କରି ଥାନା କେସ ନଂ ୧୪/୨୨ ରେ ଅପମୃତ୍ୟୁ ଏକ ମାମଲା ରୁଜୁ କରିଥିଲେ । ପୋଲିସ ତଦନ୍ତ ଆରମ୍ଭ କରି ଶବ ବ୍ୟବଚ୍ଛେଦ ପାଇଁ ଟିଟିଲାଗଡ଼ ଡାକ୍ତରଖାନା ପଠା ଯାଇଥିବା ଜଣାପଡ଼ିଛି । ଏ ନେଇ ଫାଣ୍ଡି ଅଧିକାରୀ ଶ୍ରୀ ମାଝୀଙ୍କୁ ପଚାରିବାରୁ ପୋଷ୍ଟମଟମ ରିପୋର୍ଟ ଆସିବା ପରେ ଘଟଣାର ସତ୍ୟାସତ୍ୟ ଜଣାପଡିବ ବୋଲି ପ୍ରକାଶ କରିଥିଲେ ।