ସଇଁତଲା, (ପ୍ରମୋଦ କୁମାର ସେଲମା) : ବଲାଙ୍ଗିର ଜିଲ୍ଲା ସଇଁତଲା ଥାନା ୨୬ ନମ୍ବର ଜାତୀୟ ରାଜପଥ ମହଗାଁ ଠାରେ ଗତ ବିଳମ୍ବିତ ରାତିରେ କାର ଓ ବାଇକ ମୁହାଁମୁହିଁ ଧକ୍କା ହୋଇଛି । ଫଳରେ ୨ଜଣ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକଙ୍କ ନାମ ରାଜିନ ରତେଇ(୨୯) ଓ ମାନସ ବନଛୋର (୧୭) । ଉଭୟ ଟିଟିଲାଗଡ଼ ଥାନା ମନିଗାଁ ପଞ୍ଚାୟତ ଭୂସଲାଟ ଗ୍ରାମର ବୋଲି ଜଣାପଡିଛି । ଖବର ପାଇ ସଇଁତଲା ପୋଲିସ ଘଟଣାସ୍ଥଳକୁ ପହଂଚି ୨ ଯୁବକଙ୍କୁ ଉଦ୍ଧାର କରି ସଇଁତଲା ମେଡିକାଲରେ ଭର୍ତ୍ତି କରିଥିଲା । ସେଠାରେ ଡାକ୍ତର ୨ ଜଣଙ୍କୁ ମୃତ ଘୋଷଣା କରିଥିଲେ । ପ୍ରକାଶ ଯେ, ଏହି ମୃତ ଯୁବକମାନେ କୌଣସି କାମରେ ସଇଁତଲା ଆସି ବିଳମ୍ବିତ ରାତିରେ ଟିଟିଲାଗଡ଼ ଅଭିମୁଖେ ଫେରୁଥିବା ସମୟରେ ଭବାନୀପାଟଣା ପଟୁ ଅନ୍ୟ ଏକ କାର ଆସୁଥିବା ବେଳେ ମହଗାଁ ଠାରେ ମୁହାଁମୁହିଁ ଧକ୍କା ହେଇଥିଲା । ତେବେ ଘଟଣାସ୍ଥଳରୁ କାର ଡ୍ରାଇଭର ଫେରାର ହୋଇଯାଇଥିବା ବେଳେ କାରଟି ବରଗଡ ଅଞ୍ଚଳର ବୋଲି ଜଣାପଡିଛି । ଏନେଇ ଏକ ମାମଲା ରୁଜୁ କରି ଘଟଣାର ତଦନ୍ତ ଚାଲିଛି ବୋଲି ଆଇଆଇସି ସୁଶାନ୍ତ ବଢ଼େଇ ସୂଚନା ଦେଇଛନ୍ତି ।
