ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ଥାନାରେ ଆଜି ନୂତନ ଥାନାଧିକାରୀ ଭାବେ ସୁଶାନ୍ତ ପ୍ରଧାନ କାର୍ଯ୍ୟରେ ଯୋଗଦାନ କରିଛନ୍ତି । ସେ ପୂର୍ବରୁ ଲରମ୍ଭା ଥାନାରେ ଅବସ୍ଥାପିତ ଥିଲେ । ସେହିପରି ଥାନା ସେକେଣ୍ଡ ଅଫିସର ସଂଗୀତା ବେକ୍ଙ୍କୁ ବଲାଙ୍ଗିର ଟାଉନ ଥାନାକୁ ବଦଳି ହୋଇଥିବା ବେଳେ ବଲାଙ୍ଗିର ସଦର ଥାନାରୁ ଗୁଇନ୍ଦୀ ଖାଁଖାଁ ଓ ତୁରେକେଲା ଥାନାରୁ ଲଛିନ୍ଦ୍ର ଚଲାନଙ୍କୁ ସଇଁତଲା ଥାନାକୁ ବଦଳି ହୋଇଛି । ଏହା ପୂର୍ବରୁ ସଇଁତଲା ଥାନାଧିକାରୀ ଅବନୀ କୁମାର ସାହୁଙ୍କୁ ଟିଟିଲାଗଡ଼ ଥାନାକୁ ବଦଳି ହୋଇଛି । ନୂତନ ଭାବେ ଯୋଗଦାନ କରିଥିବା ଥାନାଧିକାରୀ ଶ୍ରୀ ପ୍ରଧାନ ସହରର ଆଇନ ଶୃଙ୍ଖଳା ସ୍ଥିତି ନିୟନ୍ତ୍ରଣ ସାଙ୍ଗକୁ ଅପରାଧୀମାନଙ୍କୁ ଦମନ କରିବା ସହ ଜନସାଧାରଣଙ୍କୁ ସ୍ୱତନ୍ତ୍ର ଦୃଷ୍ଟି ଦିଆଯିବ ବୋଲି ପ୍ରକାଶ କରିଛନ୍ତି ।