ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଗାଈବାହାଲରେ ଗୁରୁବାର ଦିନରୁ ହେବାକୁ ଥିବା ଶ୍ରୀରାମ ନବମୀ ଉପଲକ୍ଷେ ନବାହ ପାରାୟଣ ପାଇଁ ବୁଧବାର ସନ୍ଧ୍ୟାରେ କଳସ ଯାତ୍ର ଏବଂ ଅଧିବାର ଅନୁଷ୍ଠିତ ହୋଇଯାଇଛି । ଗୁରୁବାର ଦିନରୁ ୯ ଦିନ ଧରି ୭ ତାରିଖ ପର୍ଯ୍ୟନ୍ତ ଶ୍ରୀ ତୁଳସୀ ଦାସ କୃତ ଏବଂ ଜଗବନ୍ଧୁ ମହାପାତ୍ରଙ୍କ ଓଡ଼ିଆ ଅନୁବାଦିତ ଶ୍ରୀ ତୁଳସୀ ରାମାୟଣ ପାରାୟଣ ଅନୁଷ୍ଠିତ ହେବ । ପ୍ରତି ଦିନ ସକାଳ ୯ଟାରୁ ଅପରାହ୍ନ ୪ଟା ପର୍ଯ୍ୟନ୍ତ ପାରାୟଣ ପଠନ ହେବ । ଏହି ପାରାୟଣ କାର୍ଯ୍ୟକ୍ରମରେ ବ୍ୟାସ ଭାବେ ବୀରମହାରାଜପୁରର ଦୈତାରୀ ବିଶି ଯୋଗ ଦେବାକୁ ଥିବାବେଳେ କର୍ତ୍ତା ଭାବେ ଶିରୋମଣି ସାହୁ ଏବଂ ତାଙ୍କ ଧର୍ମପତ୍ନୀ ଦମୟନ୍ତୀ ସାହୁ କାର୍ଯ୍ୟ ତୁଳାଉଛନ୍ତି । ପୂଜକ ଭାବେ ଦେମନ୍ତ ଷଡ଼ଙ୍ଗୀ ପୂଜା କାର୍ଯ୍ୟ କରୁଛନ୍ତି । ୭ ତାରିଖ ଶୁକ୍ରବାର ଦିନ ପୂର୍ଣ୍ଣାହୁତି ହେବା ନେଇ ପାରାୟଣ ଆୟୋଜନ କମିଟି ପକ୍ଷରୁ ସୂଚନା ମିଳିଛି ।