ବଲାଙ୍ଗିର, (କେପିଏନ୍ଏସ୍) : ଆଜି ପବିତ୍ର ଜନ୍ମାଷ୍ଟମୀ । ଭଗବାନ ଶ୍ରୀକୃଷ୍ଣଙ୍କ ଜନ୍ମ ତିଥି । ତେବେ କରୋନା କଟକଣାରେ ନିରୁତ୍ସାହ ଉତ୍ସବ । ପୂର୍ବ ବର୍ଷ ଭଳି କୌଣସି ଗହଳ ଚହଳ ନାହିଁ । ମନ୍ଦିର ସବୁ ବି ବନ୍ଦ ହୋଇ ରହିଛି । ମନ୍ଦିରଗୁଡ଼ିକରେ ରୀତି ଅନୁସାରେ ନୀତିକାନ୍ତି କରାଯାଉଥିଲେ ସୁଦ୍ଧା ଭକ୍ତଙ୍କ ଅନୁପସ୍ଥିତିରେ ଜନ୍ମାଷ୍ଟମୀ ନିରୁତ୍ସାହିତ ଲାଗୁଛି । ସାମାଜିକ ଦୂରତାକୁ ଆଖିରେ ରଖି ଭକ୍ତମାନେ ସମୂହ ପୂଜନ କରିବାରୁ ବଂଚିତ ହୋଇଛନ୍ତି । ସାରା ବିଶ୍ୱରେ ଏବେ କରୋନା ସଂକ୍ରମଣର ଆତଙ୍କ ଖେଳି ଯାଇଥିବା ବେଳେ ସମସ୍ତଙ୍କ ଧାର୍ମିକ ଭାବାବେଗକୁ ମଧ୍ୟ ବିଶେଷ ଆଘାତ ଦେଇଛି ।