ତୁରେକେଲା, (ପିତାମ୍ବର ଦୀପ) : ତୁରେକେଲା ବ୍ଲକ କଣ୍ଟାବାଞ୍ଜି ଅବକାରୀ ବିଭାଗର ଚଢ଼ାଉ । ମହୁଲ ଫୁଲ ସହ ଜଣେ ଗିରଫ । ସୂଚନା ଅନୁସାରେ ତୁରେକେଲା ବ୍ଲକ ମହୁଲପାଟି ପଂଚାୟତ ଅନ୍ତର୍ଗତ ଗୋଇଣ୍ଡିମାଲ୍ ଗାଁରୁ ଲାଠୋରକୁ ବେଆଇନ ଭାବରେ ମହୁଲ ଫୁଲ ଚାଲାଣ କରୁଥିବା ବେଳେ ବିଶେଷ ସୂତ୍ରରୁ ଖବର ପାଇ କଣ୍ଟାବାଞ୍ଜି ଅବକାରୀ ବିଭାଗ ଚଢ଼ାଉ କରିଥିଲା । ଏହି ଚଢ଼ାରେ ଗୋଟିଏ ଟାଟା ଏସି ଗାଢ଼ି, ୪ କ୍ୱିଣ୍ଟାଲରୁ ଅଧିକ ମହୁଲ ଫୁଲ ସହ ସେହି ଗାଁର ଚିନ୍ତାମଣି ବାଗ (୩୬)କୁ ଗିରଫ କରି କଣ୍ଟାବାଞ୍ଜି କୋର୍ଟ ଚାଲାଣ କରାଯାଇଥିବା ଅବକାରୀ ଅଧିକାରୀ ପ୍ରବୀଣ କୁମାର ସାହୁ ସୂଚନା ଦେଇଛନ୍ତି । ଅବକାରୀ ଅଧିକାରୀ ପ୍ରବୀଣ କୁମାର ସାହୁଙ୍କ ସହ ଈଶ୍ୱର ଚନ୍ଦ୍ର ଭୋଇ, ରଞ୍ଜନ ମିଶ୍ର, ଆଶିଷ ପଟେଲ୍ ପ୍ରମୁଖ ଅବକାରୀ ବିଭାଗର କର୍ମଚାରଙ୍କ ମିଳିତ ଉଦ୍ୟମରେ ଏହି ଚଢାଉ କରାଯାଇଥିଲା ।