ଲୋଇସଂହା, (ବିମଳେନ୍ଦୁ ସାହୁ) : ଆଗଲପୁର ବ୍ଲକ୍ ବଡ଼ଟିକା ଗ୍ରାମରେ ଗ୍ରାମଶକ୍ତି ଓ ବାବା ସ୍ଵପ୍ନେଶ୍ଵର ସ୍ଵଂୟ ସହାୟକ ଦଳର ସଭ୍ୟାଙ୍କୁ ନେଇ ଜୈବିକ ଔଷଧ ପ୍ରସ୍ତୁତି ଓ ଜୈବିକ କୃଷି ଉପାଦେୟତା ସମ୍ପର୍କିତ ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ଦଳର ୨୨ ଜଣ ସଭ୍ୟା ଅଂଶଗ୍ରହଣ କରିଥିଲେ ।
ଏହି ଜୈବିକ ଔଷଧ ତିଆରିରେ ୫ ଲିଟର ଗୋମୂତ୍ର, ୧ କେଜି ନିମ୍ବପତ୍ର,୧ କେଜି ଅରଖ ପତ୍ର, ୧ କେଜି କରଞ୍ଜ ପତ୍ର ସହ ୫୦ ଗ୍ରାମ ଗୁଡକୁ ବ୍ୟବହୃତ କରାଯାଇଥିଲା । ଏହି କାର୍ଯ୍ୟକ୍ରମରେ ପଲ୍ଲୀ ଆଲୋକ ପାଠାଗାର ନଅଗାଁ(ଖ )ର ଗୋବିନ୍ଦ ଚନ୍ଦ୍ର ବିଶି ଜୈବକ ଔଷଧର ଉପାଦେୟତା ସମ୍ପର୍କରେ ଆଲୋକପାତ କରିଥିବା ବେଳେ ପ୍ରହଲ୍ଲାଦ ପଧାନ ଔଷଧ ପ୍ରସ୍ତୁତିରେ ସହଯୋଗ କରିଥିଲେ । ପ୍ରଶାନ୍ତ କୁଅଁର, ପିଣ୍ଟୁ ପଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।