ତୁରେକେଲା, (କୈଳାସ ସଗ୍ରିଆ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ୍ ବଡ଼ବାଙ୍କି ଗ୍ରାମ ପଞ୍ଚାୟତ ଅନ୍ତର୍ଗତ ସାନବାଙ୍କି ଗ୍ରାମରେ ୧୧ତମ ବିଶ୍ଵଶାନ୍ତି ଅଖଣ୍ଡ ମହିମା ଯଜ୍ଞ ଉଦ୍ଯାପିତ ହୋଇଯାଇଛି । ଗତ ତିନି ଦିନରୁ ଆରମ୍ଭ ହୋଇ ଆଜି ଯଜ୍ଞର ପୂର୍ଣ୍ଣାହୁତି ହୋଇଯାଇଛି । ବିଭିନ୍ନ ମହିମା ମଠରୁ ଅବଧୂତ ମହିମା ଧର୍ମର ବାବା ମାନେ ଆସି ଯୋଗ ଦେଇଥିଲେ । ମନୋରଞ୍ଜନ ପାଇଁ ପ୍ରତି ରାତିରେ ନାଟ, ଘୁମୁରା, କୀର୍ତ୍ତନ, ଖଞ୍ଜଣି ଭଜନ ସହିତ ହୋମ ଯଜ୍ଞରେ ସାନବାଙ୍କି ଗ୍ରାମ ପ୍ରକମ୍ପିତ ହୋଇ ଉଠିଥିଲା । ଭକ୍ତମାନେ ଏବଂ ହଜାର ହଜାର ଦର୍ଶକ ବନ୍ଧୁ ଯୋଗ ଦେଇ ବିଭୁ କୃପା ଲାଭ କରିଥିଲେ ।