ଆଠଗଡ଼ : ଚୋରା ଦେଶୀ ମଦ ସହ ଗାଡି ଜବତ । ଏହାସହ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ଖବର ଅନୁଯାୟୀ ଏକ ଚୋରା ଦେଶୀ ମଦ ବୋଝେଇ ଗାଡି ଯାଉଥିଲା । ଏହି ସମୟରେ ଗୁଇନ୍ଦା ସୂଚନା ପାଇ ଚଢାଉ କରିଥିଲା ଅବକାରୀ ବିଭାଗ । ପୁରୁଣା କଟକ ସମ୍ବଲପୁର ରାସ୍ତାର କଲରାଗଡ ଛକ ନିକଟରୁ ଏକ ଚାରିଚକିଆ ଡାଲା ଗାଡିକୁ ଜବତ କରିଥିଲା ଅବକାରୀ ବିଭାଗ । ଏହି ଗାଡିରୁ ପ୍ରାୟ ୫୪ଟି ବ୍ୟାରେଲରେ ଦେଶୀ ମଦ ଜବତ କରିଛି । ଏହାସହ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ଗିରଫ ଜଣଙ୍କୁ ତିଗିରିଆ ଥାନା କଲରାଗଡ଼ ଗାଁର ଏସ୍ପି ସନ୍ଦୀପ କୁମାର ବୋଲି ଜଣାପଡିଛି । ଗିରଫ ପରେ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ତେବେ ଜବତ ହୋଇଥିବା ଦେଶୀ ମଦର ଆନୁମାନିକ ମୂଲ୍ୟ ୪ ଲକ୍ଷ ଟଙ୍କାରୁ ଅଧିକ ହେବ ବୋଲି ସୂଚନା ଦେଇଛି ଅବକାରୀ ବିଭାଗ ।