ଟିଟିଲାଗଡ଼, (ସଞ୍ଜୟ କୁମାର ନାୟକ) : ଜୁଆ ଆଡ୍ଡା ଉପରେ ଟିଟିଲାଗଡ଼ ପୋଲିସର ଚଢାଉ । ୨୫ ଯୁଆଡିଙ୍କ ସହ ନଗଦ ୧,୭୮,୭୪୧ ଟଙ୍କା ଜବତ ହୋଇଥିବା ଜଣାପଡିଛି । ସୂଚନା ଅନୁଯାୟୀ ଏକ ବିଶ୍ଵସ୍ତ ସୂତ୍ରରୁ ଖବର ପାଇ ଟିଟିଲାଗଡ଼ ନିକଟସ୍ଥ କୁମୁଡ଼ା ଗ୍ରାମ ନିକଟରେ ଥିବା ଜଣଙ୍କ ଘରେ ଜୁଆ ଖେଳ ଚାଲିଥିବା ଖବର ପାଇ ବଲାଙ୍ଗିର ଏସ୍ପିଙ୍କୁ ଜଣାଇବା ପରେ ଏକ ସ୍ୱତନ୍ତ୍ର ଟିମ ଗଠନ କରି ଥାନାଧିକାରୀ ଅବନି ସାହୁଙ୍କ ନେତୃତ୍ୱରେ ପୋଲିସ ଟିମ ଦ୍ୱାରା ୧୪ ତାରିଖ ରାତିରେ ଚଢ଼ାଉ କରି ୨୫ ଜଣଙ୍କୁ ଧରିବା ସହ ସେମାନଙ୍କଠାରୁ ୧ ଲକ୍ଷ ୭୮ ହଜାର ୬୪୧ ଟଙ୍କା, ୫ ପ୍ୟାକେଟ ତାସ ପୁଡିଆ, ୨୧ଟି ମୋବାଇଲ, ୯ ଟି ମୋଟର ସାଇକେଲ ଜବତ୍ କରାଯାଇ ସମସ୍ତଙ୍କୁ କୋର୍ଟ ଚାଲାଣ କରାଯାଉଛି ବୋଲି ଟିଟିଲାଗଡ଼ ଥାନା ସମ୍ମିଳନୀ କକ୍ଷରେ ଏସ୍ଡିପିଓ ଶ୍ରୀମତୀ ଅଙ୍କିତା କୁମ୍ଭାର ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀରେ ଥାନାଧିକାରୀ ଅବନୀ ସାହୁ ଏବଂ ରେଡରେ ଯାଇଥିବା ସମସ୍ତ ପୋଲିସ କର୍ମଚାରୀ ମାନେ ଉପସ୍ଥିତ ଥିଲେ । ଆଗକୁ ଆଉ ଚଢ଼ାଉ ଜାରି ରହିବ ବୋଲି ଏସ୍ଡିପିଓ ଶ୍ରୀମତୀ କୁମ୍ଭାର ସୂଚନା ଦେଇଛନ୍ତି ।