ମୁନିଗୁଡା : ରାୟଗଡା ଜିଲ୍ଲା ମୁନିଗୁଡା ତହସିଲ ଛକ ନିକଟରେ ଗୋଟିଏ ବାଇକ୍ ଚଳନ୍ତା ଅବସ୍ଥାରେ ନିଆଁ ଲାଗି ହୁତୁହୁତୁ ହୋଇ ଜଳିଗଲା । ବାଇକ୍ ଚାଳକ ଜଣକ କୌଶଳ କ୍ରମେ ଅଳ୍ପକେ ବର୍ତ୍ତିଯାଇଛନ୍ତି । ଖବର ଅନୁଯାୟୀ, କନ୍ଧମାଳ ଜିଲ୍ଲା ବଣ୍ଡାପିପିଲି ଅଞ୍ଚଳର ପିଣ୍ଟୁ ନାଗ୍ ନାମକ ଜଣେ ଯୁବକ କୌଣସି କାମରେ ମୁନିଗୁଡା ଆସିଥିଲେ । ସେହି ସମୟରେ ତାଙ୍କ ହୋଣ୍ଡା ସିଡିଆର୍ ବାଇକ୍ଟି ଚଳନ୍ତା ଅବସ୍ଥାରେ କୌଣସି କାରଣରୁ ନିଆଁ ଲାଗିଯାଇଥିଲା । ଫଳରେ ଯୁବକ ଜଣକ କୌଶଳ କ୍ରମେ ବାଇକ୍ଟିକୁ ରାସ୍ତା ମଝିରେ ଛାଡି ଗାଡିରୁ ଓହ୍ଲାଇ ପଡିଥିଲେ । ପରେ ସ୍ଥାନୀୟ ଲୋକେ ନିଆଁକୁ ଆୟତ୍ତ କରିଛନ୍ତି । ସର୍ଟ ସର୍କିଟ୍ ଯୋଗୁ ବାଇକ୍ରେ ନିଆଁ ଲାଗିଯାଇଥିବା ଅନୁମାନ କରାଯାଉଛି ।