ବଲାଙ୍ଗିର, (କେପିଏନ୍ଏସ୍) : ଦ୍ଵିତୀୟ ଆନ୍ତଃଜିଲ୍ଲା ହକି ଚମ୍ପିୟାନସିପ୍ରେ ଭାଗ ନେବା ପାଇଁ ବଲାଙ୍ଗିର ଜିଲ୍ଲା ସିନିୟର ହକି ଦଳ ଆଜି ଅଜାମ୍ବର ରାଜପଲିଆଙ୍କ ନେତୃତ୍ୱରେ ଭୁବନେଶ୍ୱର ଅଭିମୁଖେ ଯାତ୍ରା କରିଛି । ବଲାଙ୍ଗିର ରେଳ ଷ୍ଟେସନଠାରେ ଦଳର ଭଲ ପ୍ରଦର୍ଶନ ସକାଶେ ଜିଲ୍ଲା କ୍ରୀଡ଼ା ଅଧିକାରୀ ପରାଶର ବାଗ ଏବଂ ଜିଲ୍ଲା ନିଜାରତ ଅଫିସର୍ ଘନଶ୍ୟାମ ମୁଣ୍ଡ ଶୁଭେଚ୍ଛା ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା କ୍ରୀଡ଼ାବିତ୍ ଅଶୋକ ରାୟ, ନଳିନୀକାନ୍ତ କନ୍ହେର୍, ବିବେକାନନ୍ଦ ନାଏକ ଏବଂ ସୁଶାନ୍ତ ମେହେର ପ୍ରମୁଖ ଉପସ୍ଥିତ ଥିଲେ ।