ଝାରସୁଗୁଡ଼ା : ଝାରସୁଗୁଡ଼ା ଜିଲ୍ଲାର ଲଖନପୁର ଥାନା ଅନ୍ତର୍ଗତ ବେଲପାହାଡ଼ରେ ଜଣଙ୍କୁ ହାତଗୋଡ଼ ବାନ୍ଧି ଗାଡ଼ି ଚଢ଼ାଇ ନିର୍ମମ ହତ୍ୟା କରାଯାଇଥିବାର ଖବର ମିଳିଛି । ପ୍ରାପ୍ତ ସୂଚନା ଅନୁସାରେ ସୁନ୍ଦରଗଡ଼-କନିକା ରାସ୍ତା ଉପରେ ଗ୍ରିଣ୍ଡୋଲା ଗାଁ ଠାରୁ ଅଳ୍ପ ଦୂରରେ ଥିବା ମାଣିକେଶ୍ୱରୀ ମନ୍ଦିର ନିକଟରେ ଜଣେ ବ୍ୟକ୍ତିଙ୍କର ହାତଗୋଡ଼ ବନ୍ଧା ଯିବା ସହିତ ମୁହଁରେ କପଡ଼ା ବାନ୍ଧି ଶରୀର ଉପରେ ଗାଡି ଚଳେଇ କେହି ମାରି ଦେଇଥିବା କୁହାଯାଇଛି । ପ୍ରାରମ୍ଭିକ ତଦନ୍ତରୁ ଏହା ଏକ ଯୋଜନାବଦ୍ଦ୍ଧ ହତ୍ୟାକାଣ୍ଣ୍ଡ ବୋଲି ସନ୍ଦେହ କରାଯାଉଛି । ଏହି ଘଟଣାଟି ଗତକାଲି ରାତିରେ ଘଟିଛି । ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ । ଏହାପରେ ପୁଲିସ୍ ପହଞ୍ଚି ଘଟଣାସ୍ଥଳରୁ ମୃତ ଦେହକୁ ଉଦ୍ଧାର କରି ତଦନ୍ତ ଚଳାଇଛି । ମୁହଁ ସହିତ ଶରୀର ଉପରେ ଗାଡ଼ି ଚଳାଯାଇ ବ୍ୟକ୍ତିକୁ ହତ୍ୟା କରାଯାଇଥିବା ହେତୁ ଉକ୍ତ ଲୋକକୁ ଚିହ୍ନଟ କରିବା ପୁଲିସ ପାଇଁ କଷ୍ଟକର ହୋଇପଡ଼ିଛି ।