ନୂଆପଡ଼ା, (ନିରାକାର ମେହେର) : ନୂଆପଡ଼ା ଜିଲ୍ଲା ଓଡ଼ିଶା ଛତିଶଗଡ ସୀମାନ୍ତ ସିନାପାଲି ଦେଭୋଗ ଅଞ୍ଚଳରେ ବଣୁଆ ହାତୀ ଦେଖିବାକୁ ମିଳିଛି । ହାତୀ ଆସିବା ଖବର ପ୍ରସାରିତ ହେବା ପରେ ଗ୍ରାମବାସୀ ଆତଙ୍କିତ ହୋଇପଡିଛନ୍ତି । ବନ୍ୟ ପ୍ରାଣୀଙ୍କ ଆତଙ୍କ ଲାଗି ରହିଅଛି । ତେଲ ନଦୀ ଅତିକ୍ରମ କରି ସକାଳ ୯ଟା ସମୟରେ ଦେଭୋଗ ଅଞ୍ଚଳରେ ହାତୀ ଦେଖାଯାଇଥିଲା । ପରେ ୧୦ ଘଣ୍ଟା ସମୟରେ ଠାକୁରପଡ଼ାଠାରୁ ଫକୋଟପଡ଼ା ୩୦୦ ମିଟରରେ ହାତୀଟି ଘୁରି ବୁଲୁଥିବା ବେଳେ ୭୦ଜଣ ଛତିଶଗଡ଼ ବନ କର୍ମଚାରୀ ବ୍ୟାପକ ଭିଡକୁ ହଟାଇବା ପରେ ହାତୀ ସୁରକ୍ଷିତ ଭାବେ ଜଙ୍ଗଲକୁ ପ୍ରତ୍ୟାବର୍ତ୍ତନ କରିଛି । ହାତୀର ବୟସ ୨୦/୨୫ ବର୍ଷ ହୋଇଥିବ ବୋଲି ବନ କର୍ମଚାରୀ ପ୍ରକାଶ କରିଛନ୍ତି । ସୁନାବେଡା ଅଞ୍ଚଳକୁ ଲାଗି ରହିଥିବା ଏହି ହାତୀ ଅଭୟାରଣ୍ୟ ସୁରକ୍ଷିତ ଥିବା ସହ ଗମନାଗମନ କରିବା ନେଇ ଜଙ୍ଗଲବାସୀଙ୍କୁ ସତର୍କତା କରିଥିବା ଖଡିଆଳ ବନଖଣ୍ଡ ଅଧିକାରୀ ସୁଶିଲ କୁମାର ତ୍ରିପାଠୀ ପ୍ରକାଶ କରିଛନ୍ତି ।