ରାଉରକେଲା, (ସସ୍ମିତା ପ୍ରଧାନ) : ଝିରପାଣି ସ୍ଥିତ ସୃଷ୍ଟି ମଡେଲ ସ୍କୁଲରେ ଖାଦ୍ୟ ଓ ହସ୍ତକଳା ପ୍ରଦର୍ଶନୀ ଅନୁଷ୍ଠିତ ହୋଇଯାଇଛି । ସ୍କୁଲର ପ୍ରଧାନ ଶିକ୍ଷୟତ୍ରୀ ଜ୍ୟୋସ୍ନା ନନ୍ଦଙ୍କ ଅଧ୍ୟକ୍ଷତା ଓ ବରିଷ୍ଠ ଶିକ୍ଷୟିତ୍ରୀ ଜ୍ୟୋତି ମଣୀ ଲାକ୍ରାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଝିରପାଣି ଥାନା ପ୍ରଭାରୀ ରବିନ୍ଦ୍ର କୁମାର ସାହୁ, ସରପଞ୍ଚ ଅଜିତ ତିର୍କି, ପଞ୍ଚାୟତର ଏକ୍ସକ୍ୟୁଟିଭ ଅଫିସର ବିର୍ସା ପ୍ରଧାନ ଓ ସମାଜସେବୀ ବନ୍ଦିତା ମାହାତୋ ଓ ଅଶୋକ ପଟେଲ ପ୍ରମୁଖ ଯୋଗଦେଇ ଏଭଳି କାର୍ଯ୍ୟକ୍ରମ ଛାତ୍ରଛାତ୍ରୀଙ୍କ ମଧ୍ୟରେ ଉତ୍ସାହ ଓ ଆଭ୍ୟନ୍ତରିଣ ଶକ୍ତିର ବିକାଶରେ ସହାୟକ ହେବ ବୋଲି ମତ ରଖିଥିଲେ । ପରେ ଅତିଥିଗଣ ପ୍ରଦର୍ଶନୀ ବୁଲିବା ସହ ପିଲାମାନେ ପ୍ରସ୍ତୁତ କରିଥିବା ଖାଦ୍ୟ ଗ୍ରହଣ କରିଥିଲେ । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ନନ୍ଦ ବର୍ଜ୍ୟବସ୍ତୁରୁ ପିଲାମାନେ ବିଭିନ୍ନ ସାମଗ୍ରୀ ପ୍ରସ୍ତୁତ କରିଥିବା କଥା ପ୍ରକାଶ କରିବା ସହ ଶେଷରେ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ସୌଦାମିନୀ ତନ୍ତୀ, ହରପ୍ରିୟା ଦାସ, କେତକୀ ଠାକୁର, ସବିତା ପୁରୋହିତ, ଉଷା ଖଡିଆ, ମୀରା କର, ସସ୍ମିତା ତ୍ରିପାଠୀ, ଚାନ୍ଦିନୀ ଷଡ଼ଙ୍ଗୀ, ପ୍ରଜ୍ଞା ବାରିକ ପ୍ରମୁଖ ପରିଚାଳନାରେ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ଅଞ୍ଚଳବାସୀଙ୍କ ସହ ବହୁ ଅଭିଭାବକ ଯୋଗଦେଇଥିଲେ ।