ଭୁବନେଶ୍ୱର : ଭୁବନେଶ୍ୱର ଟଙ୍କପାଣି ରୋଡ୍ ଛକ ଉପରେ ଘଟିଛି ଦୁର୍ଘଟଣା । ପଙ୍କ ବୋଝେଇ ଟ୍ରକ୍କୁ ପିଟିଲା ଫ୍ଲାଏଆସ୍ ବୋଝେଇ ଟ୍ରକ୍ । ଏହି ଦୁର୍ଘଟଣାରେ ଦୁଇ ଗୁରୁତର ଡ୍ରାଇଭରଙ୍କୁ ନିକଟସ୍ଥ ମେଡିକାଲ୍ରେ ଭର୍ତ୍ତି କରାଯାଛି । ଖବର ଅନୁଯାୟୀ, କଟକ ପଟୁ ଓଆର୍୦୯ଏନ୍ଏନ୍୨୫୨୪ ନମ୍ବର ବିଶିଷ୍ଠ ଏକ ଫ୍ଲାଏଆସ୍ ବୋଝେଇ ଟ୍ରକ୍ ଆସୁଥିବା ବେଳେ ବଡଗଡ ପଟୁ ଓଡି୦୫ବିଏଲ୍୬୯୮୩ ପଙ୍କ ବୋଝେଇ ଟ୍ରକ୍ ଭାରସାମ୍ୟ ହରାଇ ହଠାତ୍ ଆଗକୁ ମାଡି ଆସିଥିଲା । ଯାହାଫଳରେ ଦୁଇ ଟ୍ରକ୍ ମୁହାଁମୁହିଁ ହେବା ସହ ଟ୍ରକ୍ଟି ଓଲଟି ପଡିଥିଲ । ସେପଟେ ଖବର ପାଇ ଉଭୟ ବଡଗଡ ଏବଂ ଲିଙ୍ଗରାଜ ଥାନା ପୁଲିସ୍ ପିସିଆର କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ । ଏହାପରେ ଦୁର୍ଘଟଣାରେ ଗୁରୁତର ଦୁଇ ଡ୍ରାଇଭରଙ୍କୁ ଉଦ୍ଧାର କରି କ୍ୟାପିଟାଲ ମେଡିକାଲ ପଠାଇବା ସହ ରାସ୍ତାରେ ଜମିଥିବା ଭିଡକୁ ନିୟନ୍ତ୍ରଣ କରିଥିଲେ ।