- ଗୋ ସୁରକ୍ଷାରେ ବ୍ରତି ହୁଅନ୍ତୁ ଯାଦବ
ବଲାଙ୍ଗିର, (ଦେବାଶିଷ ମିଶ୍ର) : ଆଜି ପବିତ୍ର ଗୋପାଷ୍ଟମୀ ଅବସରରେ ସ୍ଥାନୀୟ ଯାଦବ ଭବନଠାରେ ଗୋପାଷ୍ଟମୀ ମହାଆଡମ୍ବରରେ ପାଳିତ ହୋଇଯାଇଛି । ବିଧି ଅନୁସାରେ ସକାଳୁ ଯାଦବ ସମାଜର କାର୍ଯ୍ୟକାରୀ ସଭାପତି ଦୂତି ବାହନ ଚନ୍ଦନ ଗୋମାତାଙ୍କ ପୂଜା କରି ମହା ଆଳତି ଦେବା ସହ ଗୋପାଷ୍ଟମୀ ପାଳନ କରାଯାଇଥିଲା । ଗୋମାତା ମଧ୍ୟରେ ହିନ୍ଦୁ ଧର୍ମର ୩୩ କୋଟି ଦେବତା ବାସ କରନ୍ତି । ସୌଭାଗ୍ୟ ଅନୁସାରେ ସେହି ଗୋମାତାର ଲାଳନ ପାଳନ ଦାୟିତ୍ୱ କେଉଁ କାଳରୁ ଯାଦବମାନଙ୍କ ଦ୍ୱାରା ହୋଇ ଆସୁଛି । କିନ୍ତୁ ବିଗତ କିଛି ସମୟ ହେବ ଗୋ ବଂଶ ପ୍ରତି ଦୁର୍ବ୍ୟବହାର ତଥା ଗୋଚାଳାନ ବଢି ବଢି ଚାଲିଛି । ଏଭଳି ସ୍ଥିତିରେ ଗୋ ସୁରକ୍ଷା ଓ ଗୋପାଳନ ମୁଖ୍ୟ ଦାୟିତ୍ୱ ତେଣୁ ଯାଦବମାନେ ଗୋ ସୁରକ୍ଷାରେ ବ୍ରତି ହୁଅନ୍ତୁ ବୋଲି ଶ୍ରୀ ଚନ୍ଦନ ସମସ୍ତ ଯାଦବ ସମାଜକୁ ଆହ୍ୱାନ କରିଥିଲେ । ଆଜିର ଏହି କାର୍ଯ୍ୟକ୍ରମରେ ପୌରାଞ୍ଚଳ ର କାର୍ଯ୍ୟକାରୀ ସଭାପତି ଖରତମଲ ରାଉତ, ପୌରାଞ୍ଚଳ ସହ ସଂପାଦକ ଅଷ୍ଟମୀ ବଗର୍ତ୍ତି, ପ୍ରଶାନ୍ତ ମହାକୁର, ଆକୁଳ ବଗର୍ତ୍ତି, ଘାସିରାମ ଦୀପ, ସାନ ଜାଲ, ଟୁନା ନାଥ, ସଂଜିବ କୁଅଁର, ବଡ ବାଗ, ଶ୍ରୀକାନ୍ତ ପୋଡ, ଆକୁଳ ବଗର୍ତ୍ତି ଓ ମାଲୁ ପ୍ରମୁଖ ଉପସ୍ଥିତ ଥିଲେ ।