ଟିଟିଲାଗଡ, (ସଞ୍ଜୟ କୁମାର ନାୟକ) : ଟିଟିଲାଗଡ ନିକଟସ୍ଥ ଜଗୁଆ ଗ୍ରାମ ପଞ୍ଚାୟତସ୍ତରୀୟ ଗିରି ଗୋବର୍ଦ୍ଧନ ପୂଜା ସ୍ଥାନୀୟ ସାଇ ଡୁଙ୍ଗୁରୀଠାରେ ଅନୁଷ୍ଠିତ ହୋଇଯାଇଛି । ଏହି ପୂଜାରେ ପରମେଶ୍ୱର ଆଡଯୁଆଡ କର୍ତ୍ତା ରୂପେ ବସିଥିଲେ । ଏହି ପୁଜା କମିଟିରେ ସଭାପତି ଦାୟିତ୍ଵ ତୁଲାଇଥିଲେ ଯାଦବ ସମାଜର ହେମସାଗର ଖର୍ସେଲ, ସମ୍ପାଦକ ନନ୍ଦି କିଶୋର ଖର୍ସେଲ, ଉପସଭାପତି ଭାବରେ ବାବୁଲାଲ ନାଗ, କୋଷାଧ୍ୟକ୍ଷା ଝସକେତନ ଆଡଯୁଆଡ । ସୋମବାର ଅଧିବାସ ପରେ ମଙ୍ଗଳବାର ଦିନ ପୂଜାର୍ଚ୍ଚନା ଆରମ୍ଭ ହୋଇଥିଲା । ପ୍ରତିଦିନ ରାତିରେ ସେଥିରେ ଭଗବତ କଥାମୃତ, ଭଜନ ସମାରୋହ, ଦଣ୍ଡ ନୃତ୍ୟ ପରିବେଷଣ କରାଯାଇଥିଲା । ଏହି ପୂଜାକୁ ଦେଖିବା ପାଇଁ ମନ୍ତ୍ରୀ ଶ୍ରୀମତୀ ଟୁକୁନି ସାହୁ, ବିଜେପି ନେତା ମୁକେଶ ଜୈନ, ନବୀନ ଜୈନ, କଂଗ୍ରେସ ଦଳର ନେତା ସୁରେନ୍ଦ୍ର ସିଂହ ଭୋଇ, ଯାଦବ ସମାଜର ପ୍ରତିନିଧି ମଧ୍ୟ ଆସିଥିଲେ । ବୁଧୁବାର ସକାଳୁ ପୂଜାକୁ ପୂର୍ଣ୍ଣାହୁତି ପ୍ରଦାନ କରି ଛତର ବନ୍ଧଠାରେ ବିସର୍ଜନ କରାଯାଇଥିଲା ।