ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା କାରଗାର ଚାଷ ଜମିରୁ ଚୋରି ଅଭିଯୋଗରେ ଜଣକୁ ଟାଉନ୍ ପୋଲିସ ଗିରଫ କରି ଆଜି କୋର୍ଟ ଚାଲାଣ କରିଛି । ସୂଚନା ଅନୁସାରେ ଅଭିଯୁକ୍ତ ଜଣକ ହେଉଛନ୍ତି ବଲାଙ୍ଗିର ସହରର ବେହେରାପାଲି ନିବାସୀ ଗଗନ ସାଗର । ଜିଲ୍ଲା କାରାଗାରରେ କଏଦୀମାନେ ଚାଷ କରୁଥିବା ସ୍ଥାନରୁ ପାଣି ମୋଟର ଚୋରି କରିଥିଲେ । ଏନେଇ ଜେଲ କର୍ତ୍ତୃପକ୍ଷଙ୍କ ତରଫରୁ ଟାଉନ ଥାନାରେ ମାମଲା ରୁଜୁ ହୋଇଥିଲା । ଟାଉନ ଥାନା ଆଇଆଇସି ବିଶ୍ୱଜିତ ମନବୋଧଙ୍କ ନେତୃତ୍ୱରେ ଏହି ଘଟଣାରେ ଏକ ସ୍ୱତନ୍ତ୍ର ଦଳ ଗଠନ କରାଯାଇ ମାମଲାର ତଦନ୍ତ କରାଯାଇଥିଲା । ତେବେ ଘଟଣାର ଅଭିଯୁକ୍ତଙ୍କୁ ଧରିବାରେ ଟାଉନ ପୋଲିସକୁ ସଫଳତା ମିଳିଛି । ଆଜି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଆଇଆଇସି ଶ୍ରୀ ମନବୋଧ ସୂଚନା ଦେଇଛନ୍ତିି ।