ବିନିକା : ବିନିକା ଅବକାରୀ ବିଭାଗ ବିଭିନ୍ନ ସ୍ଥାନରେ ଚଢ଼ଉ କରି ମଦ ଜବତ କରିବା ସହ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି । ଗତକାଲି ସନ୍ଧ୍ୟା ୮ ଟା ବେଳେ ଅବକାରୀ ଅଧିକାରୀ ବଳବୀର ଗଡ଼ନାୟକ ନିଜ ଟିମ୍ ସହ ପେଟ୍ରୋଲିଂ କରୁଥିଲେ । ଏହି ସମୟରେ ସମ୍ବଲପୁର ଜିଲ୍ଲା ବଡ଼ବେଣ୍ଡା ଗ୍ରାମର ବସନ୍ତ ବେହେରା ବାଇକ୍ ଯୋଗେ ଭଣ୍ଡାର ପଞ୍ଚାୟତ ଗୁଲୁଣ୍ଡା ଛକଦେଇ ଯାଉଥିବା ବେଳେ ତାଙ୍କୁ ଅଟକାଇ ଯାଞ୍ଚ କରିଥିଲେ । ଯାଞ୍ଚବେଳେ ସେଠାରୁ ୨୦ ଲିଟର ମଦ ବାହରିଥିଲା । ବାଇକକୁ ଜବତ କରିବା ସହ ବସନ୍ତକୁ ଗିରଫ କରିଥିଲା । ସେହିପରି ମହଦା ପଞ୍ଚାୟତ ସିଆଲିଗ୍ରାମର ରାତୁ ସାହୁଙ୍କ ପାଖରୁ ୯ ଲିଟର ମଦ ଜବତ କରିବା ସହ ତାଙ୍କୁ ଗିରଫ କରିଥିଲେ । ଏ ନେଇ ପୃଥକ ପୃଥକ ମାମଲା ରୁଜୁକରି ଅଭିଯୁକ୍ତ ଦ୍ଵୟଙ୍କୁ କୋର୍ଟଚାଲାଣ କରାଯାଇଥିବା ନେଇ ଶ୍ରୀ ଗଡନାୟକ ସୂଚନା ଦେଇଛନ୍ତି । ଏହି ବୁଢ଼ଉରେ ଏଏସ୍ଆଇ ଡୋଲାମଣି ପଧାନ, ପିଣ୍ଟୁ ସାହୁ, ଭାଗ୍ୟବାନ କୁମ୍ଭାର, ଗୋପାଳ
ଝାଙ୍କର, ରିଙ୍କି ସେଠ ପ୍ରମୁଖ ସାମିଲ ଥିଲେ ।