ସଇଁତଲା, (ଲକ୍ଷ୍ମୀକାନ୍ତ ସାହୁ) : ବଲାଙ୍ଗିର ଜିଲ୍ଲା ସଇଁତଲା ଥାନା ରୁଣୀମହୁଲ ଠାରେ ଡକାୟତି ଉଦ୍ୟମ କରୁଥିବା ବେଳେ ପୋଲିସ ଜଣେ ନାବାଳକ ସହ ୨ ଜଣଙ୍କୁ ଗିରଫ କରିଛି । ସୂଚନା ଅନୁଯାୟୀ ଡେଙ୍ଗ ଗ୍ରାମର ଜଣେ ବ୍ୟକ୍ତି କାମ ସାରି ନିଜ ଘରକୁ ଫେରୁଥିବା ବେଳେ ୨୬ ନଂ ଜାତୀୟ ରାଜପଥ ରୁଣୀମହୁଲ ଠାରେ ଅଟକାଇ ଥିଲେ ଓ ତାଙ୍କ ଠାରୁ ଟଙ୍କା ଲୁଟ୍ କରି ନେଇଯାଇଥିଲେ । ପରେ ପୋଲିସ କୌଣସି ସୂତ୍ରରୁ ଖବର ପାଇଁ ଡକାୟତି କରୁଥିବା ସ୍ଥାନରେ ପହଞ୍ଚିଥିଲା । ପୋଲିସ ଡକାୟତି ଘଟଣାରେ ଜଣେ ନାବାଳକ ସହ ୨ ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ ଲୁହରଡ଼, ଏକ ନମ୍ବର ବିହୀନ ବାଇକ୍ ସହ କିଛି ଟଙ୍କା ଜବତ କରିଛି । ଅଭିଯୁକ୍ତମାନେ ସଇଁତଲା ଥାନା ରୁଣୀମୁହଲ ଗାଁର ସୁଦର୍ଶନ ସାଗର ଓ ନୀଲେଶ ମହାନନ୍ଦ ବୋଲି ପୋଲିସ ସୂଚନା ଦେଇଛି ।