- ବିଭିନ୍ନ ସ୍ଥାନର ପରିଦର୍ଶନ ସହ ଉନ୍ନତିମୂଳକ କାମର କରିବେ ସମୀକ୍ଷା
ନୂଆପଡ଼ା, (ନିରାକାର ମେହେର) : ଦିନିକିଆ ନୂଆପଡ଼ା ଗସ୍ତରେ 5T ସଚିବ ଭି.କେ ପାଣ୍ଡିଆନ । ୧୩ଟି ସ୍ଥାନ ପରିଦର୍ଶନ କରିବା ସହ ୫ଟି ସ୍ଥାନରେ ସିଧାସଳଖ ଲୋକଙ୍କ ସହ ଆଲୋଚନା କରିବେ 5T ସଚିବ । ଜଳସେଚନ, ଶିକ୍ଷା, ସ୍ବାସ୍ଥ୍ୟ ସେବା, ଗମନାଗମନ ଭଳି ଅନେକ ବିଭାଗରେ କିଭଳି ଆହୁରି ଭଲ ସେବା ଯୋଗାଇ ଦିଆଯାଇ ପାରିବ ଏବଂ ପର୍ଯ୍ୟଟନସ୍ଥଳୀ ଓ ଦେବାଦେବୀ ପୀଠ ମାନଙ୍କର ବିକାଶ କିଭଳି ହୋଇପାରିବ ସେ ନେଇ କ୍ଷେତ୍ର ପରିଦର୍ଶନ କରିବେ ।
ଏଥିସହ ନୂଆପଡାରେ ନିର୍ମାଣାଧିନ ସରକାରୀ ବସଷ୍ଟାଣ୍ଡ ଦେଖି ବିଭାଗୀୟ ଅଧିକାରୀଙ୍କ ସହ ଆଲୋଚନା କରିବେ । ମିଶନ ଶକ୍ତି ମହିଳା ଗ୍ରୁପଙ୍କ ସହ ବିଶେଷ ଅଲୋଚନା ରହିଥିବା ବେଳେ ବିଭିନ୍ନ ସଂଗଠନ ତରଫରୁ ଏକ ଅଭିଯୋଗ ଶୁଣାଣି ଶିବିର ମାଧ୍ୟମରେ ଅଲୋଚନା କରିବେ ।
ସେହିପରି ପାତାଳଗଙ୍ଗା ଓ ପତୋରା ପର୍ଯ୍ୟଟନ ସ୍ଥଳି ପରିଦର୍ଶନ କରି ତାର ବିକାଶ ନେଇ ଆଲୋଚନା କରିବେ 5T ସଚିବ । ଏଥିସହ ସୁନାବେଡା ଅଭୟାରଣ୍ୟରେ ଥିବା ମାଆ ସୁନାଦେଇଙ୍କ ଦର୍ଶନ କରିବା ସହ ସେଠାକାର ବିକାଶ ଏବଂ ସେଠାରେ ରହୁଥିବା ଚକୋଟିଆ ଭୂଞ୍ଜିଆଙ୍କ ସମସ୍ୟା ଉପରେ ଆଲୋଚନା କରିବେ । ଦିନକରେ ପାଖାପାଖି ୨ ଶହ କିଲୋମିଟର ବାଟ ବୁଲିବାର କାର୍ଯ୍ୟକ୍ରମ ରହିଛି ।