ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଆଗଲପୁର ଆଥ୍ଲେଟିକ୍ ଆସୋସିଏସନ ଦ୍ୱାରା ଫୁଟବଲ ଟୁର୍ଣ୍ଣାମେଣ୍ଟର ଦ୍ୱିତୀୟ ଦିବସରେ ପଦ୍ମପୁର ବନାମ କୁଚିଣ୍ଡା ମଧ୍ୟରେ ଖେଳ ଅନୁଷ୍ଠିତ ହୋଇଯାଇଛି । ଖେଳ ପ୍ରଥମାର୍ଦ୍ଧରେ ଉଭୟ ଦଳ ମଧ୍ୟରେ କୌଣସି ଗୋଲ ହୋଇନଥିଲା । ଖେଳ ଦ୍ୱିତୀୟାର୍ଦ୍ଧରେ କୁଚିଣ୍ଡା ଦଳ ୧-୦ଗୋଲରେ ବିଜୟୀ ହୋଇ କବାଟର ଫାଇନାଲ୍କୁ ଉତ୍ତୀର୍ଣ୍ଣ ହୋଇଛନ୍ତି । ଦ୍ୱିତୀୟ ଦିବସର ଖେଳରେ ମୁଖ୍ୟ ଅତିଥି ଭାବେ ପୂର୍ବତନ ଅତିରିକ୍ତ ଆରକ୍ଷୀ ହେମ ସାଗର ନନ୍ଦ, ସମ୍ମାନିତ ଅତିଥି ଇଚ୍ଛାପୁର ସରପଂଚ ପ୍ରଶାନ୍ତ ସାହୁ, ରୋତ ସରପଂଚ ଜୟଲାଲ ସିନ୍ଦୁର, ରମଣିକାନ୍ତ କର୍ଣ୍ଣ ଆଗଲପୁର, ଇଏସଓ ପ୍ରଶାନ୍ତ ସାହୁ ପ୍ରମୁଖ ଯୋଗଦେଇ ଉଭୟ ଦଳର ଖେଳାଳିମାନଙ୍କୁ ଉତ୍ସାହିତ କରିଥିଲେ । ରେଫରି ଭାବେ ପଂଚାନନ ପାତ୍ର, ଲାଇନରେ ସୁଧାଂଶୁ ସେଠ, ସୁରେଶ ନାଏକ ଏବଂ ମନୁ ବେହେରା ଖେଳ ପରିଚାଳନାରେ ସହଯୋଗ କରିଥିଲେ । ଆସନ୍ତାକାଲି ପ୍ରଥମ ସେମିଫାଇନାଲ୍ ଲୋଇସିଂହା ବନାମ କୁଚିଣ୍ଡା ମଧ୍ୟରେ ଅନୁଷ୍ଠିତ ହେବ ବୋଲି କମିଟି ତରଫରୁ ସୂଚନା ମିଳିଛି ।