ବଲାଙ୍ଗିର, (ଦେବାଶିଷ ମିଶ୍ର) : ଜନ କଲ୍ୟାଣ ଯୁବକ ସଂଘ ଫୁଟବଲ ଏସୋସିଏସନ କାଲସାଏପାଲି ତରଫରୁ ସ୍ୱର୍ଗତ ମଣି ବରିହା ଫୁଟବଲ କୋଚଙ୍କ ନାରେ ମଣି ବରିହା ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ଖୁଜେନପାଲି ଖେଳ ପଡିଆରେ ପ୍ରଥମ ଦିନର ଖେଳ ଅନୁଷ୍ଠିତ ହୋଇଯାଇଛି । ମଣି ବରିହା ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ପ୍ରଥମ ବର୍ଷ ଜନ କଲ୍ୟାଣ ଯୁବକ ସଂଘ ଫୁଟବଲ ଏସୋସିଏସନ କାଲସାଏପାଲି ଆନୁକୂଲ୍ୟରେ ଅନୁଷ୍ଠିତ ହୋଇଯାଇଛି । ଏହା ପାଂଚ ଦିନ ଧରି ଖୁଜେନପାଲି ଖେଳ ପଡିଆ ଠାରେ ଅନୁଷ୍ଠିତ ହେବ । ଆଜି ପ୍ରଥମ ଦିନରେ ତିନୋଟି ମ୍ୟାଚ ହୋଇଥିଲା । ପ୍ରଥମ ଦିନର ପ୍ରଥମ ମ୍ୟାଚରେ ପ୍ରଗ୍ରେସିଭ କ୍ଲବକୁ କୁଦେଇପାଲି ୧-୦ ଗୋଲରେ ପରାସ୍ତ କରିଥିଲା । ଦ୍ୱିତୀୟ ମ୍ୟାଚରେ ଖୁଜେନପାଲିକୁ କଅଁଗା ଟ୍ରାଏବ୍ରେକରରେ ୨-୦ରେ ପରାସ୍ତ କରିଥିଲା । ତୃତୀୟ ମ୍ୟାଚରେ କୁଦେଇପାଲିକୁ କଅଗାଁ ୧-୦ ପରାସ୍ତ କରି ସେମି ଫାଇନାଲକୁ ଗଲେ । ଅତିଥି ଭାବରେ ସୂର୍ଯ୍ୟକାନ୍ତ ସାହୁ ସମିତି ସଭ୍ୟ ଖୁଜେନପାଲି ଗ୍ରା.ପ, ପୂର୍ବତନ ସରପଂଚ ସତ୍ୟବାନ ସାହୁ, ଯୁବ ସମାଜସେବୀ ବିନୋଦ କାଲସାଏ, ମନୋଜ ତ୍ରିପାଠୀ, କରୁଣାକର ମହାପାତ୍ର, ଲାଲମଣି କାଲସାଏ, ୱାର୍ଡ ମେମ୍ବର ସଂଜୁ ଷାଣ୍ଢ, ଅନୁପ ସାଏ ଓ ସ୍ୱର୍ଗତ ମଣି ବରିହାଙ୍କ ସ୍ତ୍ରୀ, ପୁଅ, ଝିଅ ସପରିବାର ଯୋଗ ଦେଇଥିଲେ । ମ୍ୟାଚକୁ ସଞ୍ଜିବ ମହାରଣା, ନରସିଂ ସ୍ୱାମୀ ନାଇଡୁ, ସୁଧାଂଶୁ ସେଠ, ବୈକୁଣ୍ଠ ଜେନା, ଅବଦୁଲ ମୁଜିବ, ଖଲିଉର ରହେମାନ ଖେଳ ପରିଚାଳନା କରିଥିଲେ । ଶ୍ରୀକର କାଲସାଏ, ଭୁପେନ୍ଦ୍ର ସିଂ, ଗୋପିନାଥ କାଲସାଏ, ଦେବାଶିଷ କାଲସାଏ, ବୁନୁ ତାଣ୍ଡି, ଶ୍ରୀକାନ୍ତ କାଲସାଏ, ଚନ୍ଦ୍ର ରାଜ କାଲସାଏ, ରାହାସ କାଲସାଏ ଓ ଜନ କଲ୍ୟାଣ ଯୁବ ସଂଘର ସଦସ୍ୟମାନେ ସହଯୋଗ କରିଥିଲେ । ଆରମ୍ଭ କରିଥିଲେ ସୁନିଲ ବିଶ୍ୱାଲ ଓ ଧନ୍ୟବାଦ ଦେଇଥିଲେ ସୁଦୟ ବାରିକ ।