ଆଗଲପୁର, (ସୁଶିଳ କୁମାର ମିଶ୍ର) : ଆଗଲପୁର ବ୍ଲକ ଅନ୍ତର୍ଗତ ନଅଗାଁ(ଖ) ହାଇସ୍କୁଲ ପଡିଆରେ ପଲ୍ଲୀ ଆଲୋକ ପାଠାଗାର ଆନୁକୂଲ୍ୟରେ ଏକ ଗ୍ରାମାଞ୍ଚଳ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଉକ୍ତ ଟୁର୍ଣ୍ଣାମେଣ୍ଟ ଟି ୩ ଦିନ ଧରି ଅନୁଷ୍ଠିତ ହୋଇ ଗତକାଲୀ ତାର ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ପ୍ରଥମ ସେମିଫାଇନାଲ ତେନ୍ତୁଳିଖୁଣ୍ଟି ବନାମ କାଲସାଏ ପାଲି ମଧ୍ଧରେ ଅନୁଷ୍ଠିତ ହୋଇ ୨ୟ ସେମିଫାଇନାଲ ନକ୍ତାସର ବନାମ ବାଦିପୁରିଆ ମଧ୍ୟରେ ଅନୁଷ୍ଠିତ ହୋଇ କାଲସାଏ ପାଲି ଓ ନକ୍ତାସର ଦଳ ଫାଇନାଲକୁ ଉନ୍ନୀତ ହୋଇଥିଲେ । ସେମିଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବେ ଲଳିତ ମୋହନ ସାହୁ, ନଅଗାଁ (ଖ) ସରପଞ୍ଚ ବୃନ୍ଦାବନ ସେଠ ପ୍ରଭୃତି ଯୋଗ ଦେଇ ଉଭୟ ଦଳ ଖେଳାଳୀ ମାନଙ୍କୁ ଶାନ୍ତି ଶୃଙ୍ଖଳା ସହ ଭଲ ଖେଳ ପ୍ରଦର୍ଶନ କରିବାକୁ ପରାମର୍ଶ ଦେଇଥିଲେ । ଫାଇନାଲ ମ୍ୟାଚରେ ଜିଲ୍ଲାପରିଷଦ ସଦସ୍ୟା ଶ୍ରୀମତୀ ବୀଣାପାଣି ଦାସ ଯୋଗଦେଇ ବିଜୟୀ ଦଳକୁ ନଗଦ ୭ ହଜାର ଟଙ୍କା ସହ ଟ୍ରଫି ଓ ରନର୍ସ ଦଳକୁ ୫ହଜାର ଟଙ୍କା ସହ ଟ୍ରଫି ପ୍ରଦାନ କରିଥିଲେ । ପଲ୍ଲୀ ଆଲୋକ ପାଠାଗାର ସଂପାଦକ ପ୍ରଶାନ୍ତ ନାଏକଂକ ତତ୍ୱାବଧାନରେ ଟୁର୍ଣ୍ଣାମେଣ୍ଟ ଟି ସୂଚାରୁ ରୂପେ ପରିଚାଳିତ ହୋଇଥିଲା । ଆଖପାଖ ଅଞ୍ଚଳର ବହୁସଂଖ୍ୟକ ଲୋକ ଜମାହୋଇ ଖେଳ ଦେଖି ଆନନ୍ଦ ଉପଭୋଗ କରିଥିଲେ ।