ବଲାଙ୍ଗିର, (ଦେବାଶିଷ ମିଶ୍ର) : ଚନ୍ଦନଭାଟି ଠାରେ ଅନୁଷ୍ଠିତ ୩ୟ ବେଣୁଧର ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟର ଉଦ୍ଯାପନି ଉତ୍ସବରେ କମିଟି ପକ୍ଷରୁ ବଲାଙ୍ଗିର ବିଧାୟକ କଳିକେଶ ନାରାୟଣ ସିଂଦେଓ ଓ ଟିଟିଲାଗଡର ସୁଟିଂ ଖେଳାଳି ସୁବାଶ ପାଣିଗ୍ରାହୀଙ୍କୁ ଉଭୟଙ୍କ କୃତିତ୍ୱ ପାଇଁ କମିଟି ପକ୍ଷରୁ ସମ୍ବର୍ଦ୍ଧିତ କରାଯାଇଛି । ପ୍ରକାଶ ଯେ ଶ୍ରୀ ସିଂ ଦେଓ ରାଜନିତୀ ସହ କ୍ରୀଡାକ୍ଷେତ୍ରରେ ବିଶେଷତ ଭଲିବଲ ଓ ସୁଟିଂ କ୍ଷେତ୍ରକୁ ଆହୁରି ଉନ୍ନତ କରିବା ପାଇଁ ପ୍ରଚେଷ୍ଟା ଜାରି ରଖିଛନ୍ତି । ଏପରିକି ଗତ ୨୦୨୩ରେ ଶ୍ରୀ ସିଂ ଦେଓ ଜାତୀୟ ରାଇଫଲ ଏସୋସିଏସନ୍ର ସଭାପତି ଭାବେ ନିର୍ବାଚିତ ହେବା ପରେ ପ୍ୟାରିସ ଅଲମ୍ପିକରେ ଜାତୀୟ ଦଳ ଦେଶ ପାଇଁ ୨ଟି ସ୍ୱର୍ଣ୍ଣ ପଦକ ଅର୍ଜନ କରିଥିଲେ । ସେହିପରି ଟିଟିଲାଗଡର ସୁବାଷ ପାଣିଗ୍ରାହୀ ରାଜ୍ୟ ସ୍ତରୀୟ ଫରେଷ୍ଟ ସ୍ପୋର୍ଷ୍ଟ ମିଟ୍ରେ ଅଂଶଗ୍ରହଣ କରି ୨ଟି ବିଭାଗରେ ପ୍ରଥମ ସ୍ଥାନ ଅଧିକାର କରିଛନ୍ତି । ତେବେ ଆଗକୁ ଏହି ଅଂଚଳରୁ ଅଧିକ ରାଜ୍ୟସ୍ତରୀୟ ଓ ଜାତୀୟ ସ୍ତରୀୟ ଖେଳାଳି କିଭଳି ପ୍ରସ୍ତୁତ ହେବେ ସେ ନେଇ ପ୍ରୟାସ ଜାରି ରହିବ ବୋଲି ବିଧାୟକ କଳିକେଶ କହିଥିଲେ ।
Prev Post