ଖପ୍ରାଖୋଲ, (ଅଶୋକ କୁମାର ବାଗ) : ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ କପସିପାଲି ଗ୍ରାମ ନିକଟସ୍ଥ ସାପ୍ତାହିକ ବଜାର ନିକଟ ବୁଲାଣିରେ ଭାରସାମ୍ୟ ହରାଇ ଏକ ବାଇକ ରାସ୍ତାକଡ଼ରେ ପଡିଯାଇଥିବା ଜଣାପଡିଛି । ଫଳରେ ବାଇକ ଆରୋହୀ ଗୁରୁତର ଆହତ ହୋଇଛନ୍ତି । ଗୁରୁତର ବାଇକ ଆରୋହୀ ଖପ୍ରାଖୋଲ ଥାନା ମାଟିଖାଇ ଗ୍ରାମର ସହଦେବ ସୁନା(୪୮) ବୋଲି ଜଣାପଡିଛି । ସୂଚନା ଅନୁସାରେ ଆଜି ସେ ବାଇକ୍ ଯୋଗେ ନିଜ ଗ୍ରାମ ମାଟିଖାଇରୁ ଖପ୍ରାଖୋଲକୁ କୌଣସି କାମ ପାଇଁ ଆସି ଘରକୁ ଫେରୁଥିବା ସମୟରେ ଭାରସାମ୍ୟ ହରାଇ ଏହି ଦୁର୍ଘଟଣା ଘଟିଛି । ଖପ୍ରାଖୋଲ ଅଗ୍ନିଶମ ଦଳ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ସହଦେବ ସୁନାକୁ ଖପ୍ରାଖୋଲ ଡାକ୍ତରଖାନାକୁ ପହଞ୍ଚାଇ ଥିଲେ । ଗୁରୁତର ବ୍ୟକ୍ତିଙ୍କ ପ୍ରାଥମିକ ଚିକିତ୍ସା କଲା ପରେ ତାଙ୍କୁ ପାଟଣାଗଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଡାକ୍ତର ବିଚିତ୍ ପାଣ୍ଡେ କହିଛନ୍ତି । ଏନେଇ ଖପ୍ରାଖୋଲ ପୋଲିସ ଦୁର୍ଘଟଣା ସ୍ଥଳରେ ପହଞ୍ଚି ବାଇକକୁ ଜବତ କରି ଅଧିକ ତଦନ୍ତ ଚଳାଇଥିବା ଖପ୍ରାଖୋଲ ଏସ୍ଆଇ ଗୋପୀନାଥ ମହାକୁଡ଼ ପ୍ରକାଶ କରିଛନ୍ତି ।