ଖଣ୍ଡପଡ଼ା : ଖଣ୍ଡପଡା ବ୍ଲକ ଗିରିଡିପଲ୍ଲୀରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିବା ଜଣାପଡିଛି । ବାଇକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ମୃତ ଯୁବକ ହେଲେ ଗିରିଡିପଲ୍ଲୀ ପଣସପଦର ଗ୍ରାମର ୪୫ ବର୍ଷୀୟ ନୀଳମଣି ନାୟକ । ସେ ଗାଈ ଚରାଇ ଫେରିବା ବେଳେ ବାଇକ ଧକ୍କାରେ ତାଙ୍କର ମୃତ୍ୟୁ ହୋଇଛି । ଖବରପାଇ ଖଣ୍ଡପଡା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବ୍ୟବଛେଦ ପାଇଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିବା ସୂଚନା ମିଳିଛି । ଅନ୍ୟପକ୍ଷରେ ଏ ନେଇ ଖଣ୍ଡପଡ଼ା ଥାନାରେ ଏକ ମାମଲା ରୁଜୁ କରାଯିବା ସହିତ ଅଧିକ ତଦନ୍ତ କରାଯାଉଥିବା ଥାନା ଆଇଆଇସି ରମେଶ କୁମାର ସୂଚନା ଦେଇଛନ୍ତି ।