ସାହାଜପାଲ : ବୌଦ୍ଧ ବ୍ଲକ ବାଉଁଶୁଣୀ ସାହାଜପାଲ ୫୭ ନଂ ଜାତୀୟ ରାଜପଥ ପୁରୁଣା ମଦଭାଟି ସାମ୍ନାରେ ଏକ ବାଇକ ଦୁର୍ଘଟଣାରେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ସୂଚନା ଅନୁସାରେ, ରବିବାର ରାତି ପ୍ରାୟ ୮ଟାରେ ସାହାଜପାଲ ପୁରୁଣା ମଦଭାଟି ସାମ୍ନାରେ ଆଗରୁ ଏକ ବୋଲେରୋ ପିକଅପ୍ ବ୍ରେକଡାଉନ ଯୋଗୁଁ ବୌଦ୍ଧ ପଟକୁ ମୁହଁ କରି ଠିଆ ହୋଇଥିଲା । ବୌଦ୍ଧ ପଟରୁ ପଲସର ଯୋଗେ ଅଜଣା ବ୍ୟକ୍ତି ଉକ୍ତ ବୋଲେରୋକୁ ଧକ୍କା ଦେଇଥିଲେ । ଫଳରେ ବାଇକ ଆରୋହୀ ମଝି ରାସ୍ତାକୁ ଛିଟିକି ପଡିବାରୁ ଏକ ଅଜଣା ଗାଡି ମାଡାଇ ଚାଲି ଯାଇଥିବା ପ୍ରତ୍ୟେକ ଦର୍ଶୀ ପ୍ରକାଶ କରିଛନ୍ତି । ଖବର ପାଇ ବାଉଁଶୁଣୀ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ମୃତ ବାଇକ ଆରୋହୀଙ୍କୁ ବାଉଁଶୁଣୀ ଚିକିତ୍ସାଳୟକୁ ନେଇଥିବା ଜଣାପଡ଼ିଛି ।