ଟିଟିଲାଗଡ, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ସିନ୍ଧେକେଲା ଥାନା ଝଲପ ଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣାର ସମ୍ମୁଖୀନ ହୋଇଛନ୍ତି ବାପ ପୁଅ । ତେବେ ଏହି ଦୁର୍ଘଟଣାରେ ଶିଶୁ ପୁତ୍ରର ଜୀବନ ଚାଲି ଯାଇଥିବା ବେଳେ ବାପା ଗୁରୁତର ଅବସ୍ଥାରେ ଥିବା ଖବର ମିଳିଛି । ବାପ ପୁଅ ଦୁଇ ଜଣ ହେଲେ ଗୌଡତଲା ଗ୍ରାମର ବିଘ୍ନରାଜ ସାହୁ(୨୮) ଓ ତାଙ୍କ ପୁଅ ପ୍ରଭାସ ସାହୁ(୩) । ସୂଚନା ଅନୁସାରେ ବାପ ପୁଅ ଦୁଇ ଜଣ ଏକ ବାଇକ ଯୋଗେ ମାମୁଁ ଘରୁ ଫେରୁଥିବା ସମୟରେ ଏକ ଅଜଣା ଗାଡି ସହ ଧକ୍କା ହୋଇଥିଲେ । ଫଳରେ ଘଟଣାସ୍ଥଳରେ ପୁଅ ପ୍ରଭାସର ମୃତ୍ୟୁ ହୋଇଥିବା ବେଳେ ବାପା ବିଘ୍ନରାଜଙ୍କୁ ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ କର୍ମଚାରୀମାନେ ଉଦ୍ଧାର କରି ନିକଟସ୍ଥ ଡାକ୍ତରଖାନାକୁ ଆଣିଥିଲେ । ପରେ ଡାକ୍ତର ଉଚ୍ଚସ୍ତରୀୟ ଚିକିତ୍ସା ପାଇଁ ଭବାନୀପାଟଣା ବଡମେଡିକାଲକୁ ସ୍ଥାନାନ୍ତର କରିଥିବା ଜଣାପଡିଛି ।