ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଅନ୍ତର୍ଗତ ଦେଓଗାଁ ବ୍ଲକର ମହଲେ ଗ୍ରାମରେ ଏକ ସଡକ ଦୁର୍ଘଟଣା ଘଟି ଦୁଇ ଜଣ ଗୁରୁତର ଅବସ୍ଥାରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି ହୋଇଥିବା ଖବର ମିଳିଛି । ଗୁରୁତର ଦୁଇ ଜଣ ହେଲେ ସୁନାଧର ସା ଓ ପ୍ରଫୁଲ୍ଲ ବିଶ୍ୱାଲ । ସୂଚନା ଅନୁସାରେ, ଦେଓଗାଁ ବ୍ଲକର ଉପରଝର ଗ୍ରାମରୁ ମହଲେ ଗ୍ରାମକୁ ଦୁଇ ଜଣ ସାଙ୍ଗ ସୁନାଧର ଓ ପ୍ରଫୁଲ୍ଲ ଏକ ବାଇକ ଯୋଗେ ଯାଉଥିବା ସମୟରେ ହଠାତ୍ ସାମ୍ନାପଟୁ ଆସୁଥିବା ଏକ ଚାରିଚକିଆ ଗାଡିର ଲାଇଟ ପଡିବାରୁ ଭାରସାମ୍ୟ ହରାଇ ତଳେ ଖସି ପଡିଥିଲେ । ଫଳରେ ଦୁଇ ଜଣ ସାଙ୍ଗଙ୍କୁ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡିଛି ।