ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଖୁସି ଓ ସଂବୃଦ୍ଧି ଓ ଆଲୋକ ର ପର୍ବ ଦୀପାବଳି ଉପଲକ୍ଷେ ଆଜି ଇକୋ ୱାରିୟର ପରିବାର ତରଫରୁ ଛତ୍ରପୁର ବ୍ଲକ ଅଗସ୍ତିନୂଆଗାଁ, ସ୍ଥିତ ଚିଦାନନ୍ଦ ଦିବ୍ୟଧାମ ବୃଦ୍ଧ ଆଶ୍ରମରେ ପରିବାର ଓ ଅତିଥି ମାନେ ଦୀପ ପ୍ରଜ୍ଜ୍ୱଳନ କରି ଦୀପାବଳି ପାଳନ କରାଯାଇଥିଲା । ଏହି ଅବସରରେ ଗଞ୍ଜାମ ଥାନା ଅଧିକାରିଣୀ ସୁମିତ୍ରା ପାତ୍ର ନିଜ କରକମଳରୁ ଆଶ୍ରମରେ ସମସ୍ତ ଅନ୍ତେବାସୀଙ୍କୁ ଶୀତବସ୍ତ୍ର ବଣ୍ଟନ, ଖାଦ୍ୟ ବଣ୍ଟନ କରିଥିଲେ । ଏହି କାର୍ଯ୍ୟକ୍ରମରେ ଛତ୍ରପୁର ଅଷ୍ଟମ ବାଟାଲିୟନ ସିପାହୀ ସଙ୍ଗ ସଭାପତି ଯଶୋବନ୍ତ ସ୍ୱାଇଁ , ସହ-ସମ୍ପାଦକ କେ. ହେମାନନ୍ଦ ରେଡ୍ଡୀ, ସମାଜସେବି ପରିବାରର ସଦସ୍ୟ ସଞ୍ଜୟ ସ୍ୱାଇଁ, ଅଖଳୀ ତରାଇ ଉପସ୍ଥିତ ରହି ଅନ୍ତେବାସୀଙ୍କୁ ଶୀତବସ୍ତ୍ର ପ୍ରଦାନ କରିବା ସହ ଉତ୍ସାହିତ କରିଥିଲେ । ଅନ୍ତେବାସୀ ଇକୋ ପରିବାରର ସମସ୍ତ ସଦସ୍ୟଙ୍କୁ ଏହିପରି କାର୍ଯ୍ୟ ପାଇଁ ସାଧୁବାଦ ଜଣାଇଥିଲେ । ସମସ୍ତ ଅନ୍ତେବାସୀଙ୍କ ସହ ଇକୋ ପରିବାର ସଦସ୍ୟମାନେ ସମୟ ବିତେଇବା ସହ ତାଙ୍କର ଆଶ୍ରିବାଦ ନେଇଥିଲେ ।