ରାଉରକେଲା, (ସସ୍ମିତା ପ୍ରଧାନ) : ଇସ୍ପାତ ନଗରୀ ରାଉରକେଲା ଠାରେ ବିଭିନ୍ନ କ୍ରୀଡା ଅନୁଷ୍ଠାନ ଓ ସଂଗଠନ ତରଫରୁ ଜାତୀୟ କ୍ରୀଡା ଦିବସ ଧୁମଧାମରେ ପାଳିତ ହୋଇଯାଇଛି । କିମ୍ବଦନ୍ତୀ ପୁରୁଷ ହକି ତାରକା ମେଜର ଧ୍ୟାନଚାନ୍ଦଙ୍କ ଜନ୍ମଦିନକୁ ସମଗ୍ର ଦେଶ ଜାତୀୟ କ୍ରୀଡା ଦିବସ ପାଳନ କରୁଛି । ଏହି ଅବସରରେ କ୍ରୀଡ଼ାବିତ୍ ମାନଙ୍କୁ ଉତ୍ସାହିତ, ପ୍ରୋତ୍ସାହିତ କରିବା ସହ ବିଭିନ୍ନ କ୍ରୀଡାରେ କୃତିତ୍ୱ ହାସଲ କରିଥିବା କ୍ରୀଡ଼ାବିତଙ୍କୁ ସମ୍ମାନିତ କରାଯାଇଥିଲା । ଚନ୍ଦ୍ରଶେଖର କ୍ରୀଡା ସଂଗଠନ ଚନ୍ଦ୍ରଶେଖର କ୍ରୀଡା ସଂଗଠନ ପକ୍ଷରୁ ଜାତୀୟ କ୍ରୀଡା ଦିବସ ଚଳିତବର୍ଷ ବେଶ୍ ଉତ୍ସାହ ଓ ଆଗ୍ରହ ସହ ପାଳିତ ହୋଇଯାଇଛି । ଏହି ଅବସରରେ ୯ ଜଣ ବରିଷ୍ଠ ଓ ୧୧ ଜଣ ନବପଲ୍ଲବିତ କ୍ରୀଡାବିତଙ୍କୁ ସମ୍ବର୍ଦ୍ଧିତ କରାଯାଇଥିଲା । ୪ଜଣଙ୍କୁ ଚନ୍ଦ୍ରଶେଖର ଖେଳ ରତ୍ନ ଓ ୩ ଜଣଙ୍କୁ ମରୋଣାତ୍ତର ସମ୍ମାନ ପ୍ରଦାନ କରାଯାଇଥିଲା । ସେକ୍ଟର ୨ ସ୍ଥିତ ମ୍ୟାକ୍ସମ୍ୟୁଲାର ଭବନଠାରେ ବେଶ୍ ଉତ୍ସାହ ଓ ଆଗ୍ରହ ସହ ପାଳିତ ହୋଇଯାଇଛି । ଆୟୋଜିତ କାର୍ଯ୍ୟକ୍ରମରେରେ ମୁଖ୍ୟ ଅତିଥି ଭାବେ ରାଉରକେଲା କ୍ରୀଡ଼ା ବିଭାଗର ଉପ ନିର୍ଦ୍ଦେଶକ ଓଡ଼ିଆ ପ୍ରଶାସନିକ ସେବା ଅଧିକାରୀ ସୁଦୀପ୍ତ କୁମାର ନାୟକ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବେ ରାଉରକେଲା ଶ୍ରମିକ ସଂଘର ସାଧାରଣ ସମ୍ପାଦକ ତଥା ଆଇଏନଟିୟୁସି ର ରାଜ୍ୟ ସମ୍ପାଦକ ପ୍ରଶାନ୍ତ ବେହେରା ଓ ରାଉରକେଲା ଚାମ୍ବର ଅଫ କମର୍ସ ଏଣ୍ଡ ଇଣ୍ଡଷ୍ଟ୍ରିଜର ସଭାପତି ମଳୟ ମଣ୍ଡଳ ପ୍ରମୁଖ ଯୋଗ ଦେଇଥିଲେ । ସଂଗଠନ ର ଅଧ୍ୟକ୍ଷ ତଥା ରାଉରକେଲାର ମାନ୍ୟବର ବିଧାୟକ ସାରଦା ପ୍ରସାଦ ନାୟକଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଉପସ୍ଥିତ ଅତିଥିମାନେ ଦିବସ ପାଳନ ସହ କ୍ରୀଡାର ବିକାଶ ଉପରେ ସେମାନଙ୍କର ସୁଚିନ୍ତିତ ମତାମତ ରଖିଥିଲେ । ଆରଏସପି ପକ୍ଷରୁ କ୍ରୀଡାବିତଙ୍କ ନିମନ୍ତେ ରାଉରକେଲା ଶ୍ରମିକ ସଂଘର ସାଧାରଣ ସମ୍ପାଦକ ପ୍ରଶାନ୍ତ ବେହେରା, ରଘୁନାଥପାଲୀର ମାନ୍ୟବର ବିଧାୟକ ଦୁର୍ଗା ଚରଣ ତନ୍ତୀ ରାଉରକେଲା ଇସ୍ପାତ କାରଖାନା କର୍ତ୍ତୃପକ୍ଷଙ୍କ ସହ ଦୀର୍ଘ ଦିନ ଧରି ଲଢେଇ ପରେ ପ୍ରାୟ ୪୦ ବର୍ଷ ପରେ ଆରଏସପିର ସମସ୍ତ କ୍ରୀଡ଼ାବିତଙ୍କ ବିଭିନ୍ନ ଭତ୍ତାର ନବୀକରଣରେ ସହମତି ପ୍ରଦାନ କରିଥିଲେ । ସଂଗଠନର ସାଧାରଣ ସମ୍ପାଦକ ଦେବଦତ୍ତ ଜେନା ସଂଗଠନ ର ବାର୍ଷିକୀ ବିବରଣୀ ପାଠ କରିଥିବା ବେଳେ ବରିଷ୍ଠ କ୍ରୀଡାବିତ ନିଖିଳ କଳାକାର ପ୍ରଧାନ ଓ ଶୁଭ୍ରଜା ବଡ଼ଜେନା ମଞ୍ଚ ପରିଚାଳନା କରିଥିଲେ । ବିରେନ୍ଦ୍ର କୁମାର ସ୍ୱାଇଁ,ସମ୍ପାଦିକା ପ୍ରତିଭା ପ୍ରିୟଦର୍ଶିନୀ, ସଂଯୋଜିକା ପ୍ରିତିରାଣୀ ରାଉତ, ଲୀନା ନାଏକ ପ୍ରମୁଖ ସଦସ୍ୟ ମାନେ କାର୍ଯ୍ୟକ୍ରମ ପରିଚାଳନାରେ ସକ୍ରିୟ ସହଯୋଗ କରିଥିଲେ । ଲେଡି ଲାୟନ ଏହି ଅବସରରେ ଝିରପାଣି ଗେଟ୍ ପାଖରୁ ସେକ୍ଟର ୨୦ ହିଲଟପ ଛକ ପର୍ଯ୍ୟନ୍ତ ଏକ ମିନି ମାରାଥନ୍ କରାଯାଇଥିଲା । ଏଥିରେ ଶତାଧିକ ବିଭିନ୍ନ ବୟସର କ୍ରୀଡ଼ାବିତ୍ ମାନେ ଅଂଶଗ୍ରହଣ କରିଥିଲେ । ଅନୁଷ୍ଠାନର ସଭାପତି ବନ୍ଦିତା ମାହାତୋ ଓ ସମ୍ପାଦିକା ସ୍ନେହଲତା ଗନ୍ତାଘରିଆଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବେ ସମାଜସେବୀ ହରିହର ରାଉତରାୟ, କମଳ ଅଗ୍ରୱାଲ,ଝିରପାଣି ଥାନା ପ୍ରଭାରୀ ପ୍ରଦୀପ ନାୟକ, ଅମିତାଭ ସାମଲ, ଅରବିନ୍ଦ ପୁହାଣ, ରାଜା ରାୟ, ଜିତେନ୍ଦ୍ର ପ୍ରସାଦ, ସୁଷମା ପ୍ରସାଦ, ମଧୁ ମହାପାତ୍ର, ଶିବପ୍ରସାଦ ତ୍ରିପାଠୀ, ନିଶାଦ ଫାତମା, କାମିନୀ ମହନ୍ତ ପ୍ରମୁଖ ଯୋଗଦେଇ କୃତିତ୍ୱ ହାସଲ କରିଥିବା କ୍ରୀଡ଼ାବିତଙ୍କୁ ସମ୍ମାନିତ କରିଥିଲେ । କାର୍ଯ୍ୟକ୍ରମ ପରିଚାଳନାରେ କବିତା ମାହାତୋ, ଧନମାନ ବିଷ୍ଟ, ଅନୁପମା ଦାସ, ସୁଚିତ୍ରା ଦର୍ଜି, ଫୁଲମଣୀ ସମାଦ, ଚନ୍ଦନା, ଛବିରାଣୀ ପରିଡ଼ା, ମୀରା ତିର୍କି, ସୁଜାତା ତିର୍କି, ଭୂମି କେରକେଟା, ସରିତା ପ୍ରଧାନ, ଅନୁଷ୍କା ଜୋଜୋ ପ୍ରମୁଖ ସହଯୋଗ କରିଥିଲେ । ସେହିପରି ରାଉରକେଲା ସ୍ପୋର୍ଟସ ଆସୋସିଏସନ୍ ଓ ଅନ୍ୟାନ୍ୟ ବହୁ କ୍ରୀଡା ସଂଗଠନ ପକ୍ଷରୁ ଜାତୀୟ କ୍ରୀଡା ଦିବସ ପାଳନ କରାଯାଇଥିଲା ।
