ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ମାର୍ଚ୍ଚ ୨୬ ତାରିଖ ଜାତୀୟ ବିଜ୍ଞାନ ପ୍ରଶଂସା ଦିବସ । ଆଧୁନିକ ବିଜ୍ଞାନ ଏତେ କମ୍ ସମୟ ମଧ୍ୟରେ ବହୁତ ବଦଳିଛି । ‘ଜାତୀୟ ବିଜ୍ଞାନ ପ୍ରଶଂସା ଦିବସ’ ପାଳନର ଉଦ୍ଦେଶ୍ୟ ହେଉଛି ବିଜ୍ଞାନ ଦ୍ୱାରା ମାନବ ସମାଜ ଯେଭଳି ଉପକୃତ ହେଉଛି ସେ ବିଷୟରେ ଚର୍ଚ୍ଚା କରିବା । ବିଜ୍ଞାନ ମନୁଷ୍ୟର ସାମର୍ଥ୍ୟକୁ ଉନ୍ମୋଚନ କରିଛି ଏବଂ ପୃଥିବୀର ଅନେକଙ୍କ ପାଇଁ ଜୀବନର ଗୁଣବତ୍ତା ପରିବର୍ତ୍ତନ କରିବାରେ ସହାୟକ ହୋଇଛି । ଜାତୀୟ ବିଜ୍ଞାନ ପ୍ରଶଂସା ଦିବସ ପାଳନ ସାଇନ୍ସ ସେଭ୍ସର ପ୍ରତିଷ୍ଠାତା ତଥା ଚେୟାରମ୍ୟାନ୍ ଟଡ୍ ଷ୍ଟିଫେଲଙ୍କ ମସ୍ତିଷ୍କରେ ଜୁଟିଥିଲା ପ୍ରଥମେ । ମାର୍ଚ୍ଚ ୨୬, ୨୯୫୩ରେ ପୋଲିଓ ଟୀକା ଜୋନାସ ସାଲକଙ୍କ ଉଦ୍ଭାବନ ଦିବସ । ତେଣୁ ଏହି ତାରିଖକୁ ଚୟନ କରାଗଲା ଆଜିର ଦିବସ ପାଳନ କରିବା ପାଇଁ । ଏହି ଟୀକା ପରବର୍ତ୍ତୀ ସମୟରେ ଲକ୍ଷ ଲକ୍ଷ ଲୋକଙ୍କ ଜୀବନ ରକ୍ଷା କରିବାରେ ସାହାଯ୍ୟ କରି ଚାଲିଛି । ବିଶେଷ କରି ଆଧୁନିକ ଯୁଗରେ ବିଜ୍ଞାନ ଏବଂ ବୈଜ୍ଞାନିକମାନେ ବିଶ୍ୱକୁ ଏକ ଉତ୍ତମ, ସ୍ୱାସ୍ଥ୍ୟକର ସ୍ଥାନ ଭାବରେ ପ୍ରତିଷ୍ଠା କରିପାରିଛନ୍ତି । ଜାତୀୟ ବିଜ୍ଞାନ ପ୍ରଶଂସା ଦିବସର ପ୍ରତିଷ୍ଠା ଉଦ୍ଦେଶ୍ୟ ଥିଲା ବୈଜ୍ଞାନିକ ସଫଳତାକୁ ପାଳନ କରିବା, ସମାଲୋଚିତ ଚିନ୍ତାଧାରାର ଗୁରୁତ୍ୱ ପାଇଁ ସଚେତନତା ସୃଷ୍ଟି କରିବା, ବିଜ୍ଞାନ ଏବଂ ଔଷଧ କ୍ଷେତ୍ରରେ କାର୍ଯ୍ୟ କରୁଥିବା ଶ୍ରମିକମାନଙ୍କୁ ଧନ୍ୟବାଦ ଦେବା ଏବଂ ଯୁକ୍ତରାଷ୍ଟ୍ରରେ ସର୍ବସାଧାରଣ ନୀତିରେ ବିଜ୍ଞାନର ଅନ୍ତର୍ଭୁକ୍ତିକୁ ପ୍ରୋତ୍ସାହିତ କରିବା ।