ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ କ୍ଲବପଡ଼ା ସ୍ଥିତ ଲକ୍ଷ୍ମୀନାରାୟଣ ମନ୍ଦିରର ପୂଜାରିଣୀ ସ୍ୱର୍ଗତ ନାରାୟଣ ପତିଙ୍କ ଧର୍ମପତ୍ନୀ ସୁପ୍ରଭା ପତିଙ୍କ ୭୫ ବର୍ଷ ବୟସରେ ତାଙ୍କ କ୍ଲବପଡା ସ୍ଥିତ (ମନ୍ଦିର ସଂଲଗ୍ନ) ବାସଭବନରେ ଦେହାନ୍ତ ହୋଇଯାଇଛି । ଶ୍ରୀମତୀ ପତି ଜଣେ ଧର୍ମପରାୟଣା, ମିଷ୍ଟଭାଷି, କର୍ମଠ ଓ ସହୃଦୟା ମହିଳା ଥିଲେ । ଗତ କିଛି ଦିନ ହେଲା ସେ ବାର୍ଦ୍ଧକ୍ୟଜନିତ ଅସୁସ୍ଥତା ହେତୁ ଶଯ୍ୟାଶାୟୀ ଥିଲେ । ତାଙ୍କ ମୃତ୍ୟୁରେ ଅଂଚଳରେ ଶୋକର ଛାୟା ଖେଳିଯାଇଛି । ମୃତ୍ୟୁ ସମୟରେ ତାଙ୍କ ପୁତ୍ର ତରୁଣ, ବାପି, ପିକୁ, ପୁତ୍ରବଧୂ ସଂଯୁକ୍ତା, ମମତା, ନାତି ଶିତିଷ, ଆଶୁ, ସତ୍ୟମ୍, ଛୋଟୁ, ନାତୁଣି ସିଲକି, ଝିଅ କରୁଣା ଓ ଜ୍ୱାଇଁ ରାଜେନ୍ଦ୍ର ଉପସ୍ଥିତ ଥିଲେ । ତାଙ୍କର ମଧ୍ୟମପୁତ୍ର ତରୁଣ କୁମାର ପତି ବିଭୁତିପଡ଼ା ଶ୍ମଶାନ ଘାଟରେ ତାଙ୍କୁ ମୁଖାଗ୍ନି ଦେଇଥିଲେ ।