ଲୋଇସିଂହା, (କେପିଏନ୍ଏସ୍) : ଲୋଇସିଂହା ଥାନା ଆଗଲପୁର ବ୍ଲକ ମୂର୍ଷୁଣ୍ଢି ପଂଚାୟତ ଅଧିନ ହରଭଙ୍ଗା ଗ୍ରାମ ଅଙ୍ଗନବାଡି କେନ୍ଦ୍ରର ମୁଖ୍ୟ ଫାଟକରେ ଗେଟ ଲାଗି ନ ଥିବାରୁ ପ୍ରାକ ବିଦ୍ୟାଳୟ ଶିଶୁଗଣ ଅସୁରକ୍ଷିତ ଥିବା ଅଭିଭାବକ ମାନେ ଅଭିଯୋଗ କରିଛନ୍ତି । ପାଚେରୀ ନିର୍ମାଣ ସରିଥିଲେ ମଧ୍ୟ ଗେଟ ନ ଥିବାରୁ କେନ୍ଦ୍ର ଭିତରକୁ ବୁଲା ଗାଈଗୋରୁ ଓ କୁକୁର ପଶି ଯିବା ସହିତ ଅଙ୍ଗନବାଡି କେନ୍ଦ୍ର ପରିସର ଅସାମାଜିକ ବ୍ୟକ୍ତିଙ୍କ ଆଡ୍ଡାସ୍ଥଳୀ ପାଲଟିଥିବା ଜଣାଯାଇଛି । ମୁଖ୍ୟ ଫାଟକରେ ତୁରନ୍ତ ଗେଟ ନିର୍ମାଣ ପାଇଁ ସ୍ଥାନୀୟ ବାସିନ୍ଦା ପ୍ରଶାସନ ସମେତ ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ।