ବେଲପଡା, (ଭୋଜରାଜ ଦଣ୍ଡସେନା) : ଆଜି ବଲାଙ୍ଗିର ଜିଲ୍ଲାର ବେଲପଡା ଥାନା ଅନ୍ତର୍ଗତ ତେନ୍ତୁଳିମୁଣ୍ଡା ଗ୍ରାମରେ ଥିବା ୨ ନମ୍ବର ଅଙ୍ଗନୱାଡି ସେଣ୍ଟରରୁ ଚୋର ମାନେ ତାଲା ଭାଙ୍ଗି ବିଭିନ୍ନ ସାମଗ୍ରୀ ଚୋରି କରି ନେଇଛନ୍ତି । ସୂଚନାଯୋଗ୍ୟ ଯେ, ଆଜି ସକାଳ ସମୟରେ ସେଣ୍ଟରର ହେଲପର ଶକୁନ୍ତଳା ନାଗ ରୋଷେଇ କରିବା ପାଇଁ ଆସିଥିଲେ । ହଠାତ୍ ଦେଖିଲେ ଯେ, ସେଣ୍ଟରର ତାଲା ଭଙ୍ଗା ଯାଇଛି । ତୁରନ୍ତ ଅଙ୍ଗନୱାଡି କର୍ମୀ ଅହଲ୍ୟା ମଲ୍ଲିକଙ୍କୁ ଖବର ଦେଇଥିଲେ । ଘଟଣାସ୍ଥଳରେ ଅହଲ୍ୟା ମଲ୍ଲିକ ପହଞ୍ଚି ଦେଖିଲେ ଯେ, ଶିଶୁମାନଙ୍କ ପାଇଁ ଥିବା ଖେଳଣା, ଅଣ୍ଡା ଏବଂ ଅନ୍ୟ ସାମଗ୍ରୀ ଚୋରମାନେ ଚୋରି କରି ନେଇଛନ୍ତି । ପରେ ଅହଲ୍ୟା ମଲ୍ଲିକ ଗ୍ରାମର ସରପଞ୍ଚଙ୍କ ସ୍ୱାମୀ କୀର୍ତି ନାଏକଙ୍କୁ ଖବର ଦେଇଥିଲେ । ଉକ୍ତ ସ୍ଥାନକୁ ଶ୍ରୀ ନାଏକ ମଧ୍ୟ ଆସିଥିଲେ ଓ ଦେଖିଥିଲେ । ଏ ଅଞ୍ଚଳରେ ଏପରି ଘଟଣା ଘଟିଥିବାରୁ ଲୋକଙ୍କ ମନରେ ଅଶାନ୍ତି ସୃଷ୍ଟି ହୋଇଛି ।