ଦେଓଗାଁ, (ମନୀଷ କୁମାର ସାହୁ) : ମଙ୍ଗଳବାର ଦିନ ସ୍ୱେଚ୍ଛାସେବୀ ଅନୁଷ୍ଠାନ ୱାଇସିଡିଏ ରିଲାଏନ୍ସ ଫାଉଣ୍ଡେସନ ପକ୍ଷରୁ ଦେଓଗାଁ ବ୍ଲକ ସିକୁଆଁ ପଞ୍ଚାୟତ ଅନ୍ତର୍ଗତ ବାଞ୍ଜିବାହାଲି ଗାଁରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗାଁ ଲୋକଙ୍କ ସହଯୋଗରେ ନିକଟସ୍ଥ ଜଙ୍ଗଲରେ ଥିବା ଖାଲି ସ୍ଥାନମାନଙ୍କରେ ବିଭିନ୍ନ ପ୍ରକାର ଜଙ୍ଗଲାଜାତୀୟ ଗଛ ଯଥା – ଶାଗୁଆନ, ଶିଶୁ, ଗମ୍ଭେର, ପିଜୁଳି, ଜାମ ଗଛଗୁଡ଼ିକ ମୋଟ ଭାବେ ୮୧୦ଟି ବୃକ୍ଷ ରୋପଣ କରାଯାଇଥିଲା । ୱାଇସିଡ଼ିଏ ବଲାଙ୍ଗିର ପ୍ରୋଜେକ୍ଟ କୋର୍ଡିନେସନ୍ ଶୁଭ୍ରାଂଶୁ ସାହୁ, ରିଲାଏନ୍ସ ଫାଉଣ୍ଡେସନର ପ୍ରୋଗ୍ରାମ ମ୍ୟାନେଜର ସନ୍ତୋଷ ଖଣ୍ଡାଇ, ଶୈଳେନ୍ଦ୍ର ରକା ପ୍ରମୁଖ ଉପସ୍ଥିତ ଥିଲେ । ଗଛଗୁଡ଼ିକର ଆଗାମୀ ଦିନରେ ଯାତ୍ରା ନେବା ସହ ସୁରକ୍ଷା କରିବା ପାଇଁ ଉପସ୍ଥିତ ସମସ୍ତ ସଭ୍ୟଙ୍କ ଦ୍ଵାରା ନେଇ ଏକ ଶପଥ ପାଠ କରାଯାଇଥିଲା । ଏହି ବୃକ୍ଷରୋପଣ କାର୍ଯ୍ୟକ୍ରମକୁ ୱାଈସିଡ଼ିଏ କର୍ମକର୍ତ୍ତା ରୁଦ୍ର ବଗର୍ତ୍ତି ପରିଚାଳନା କରିଥିଲେ ।