ଡେଲାଙ୍ଗ, (ଦିଲ୍ଲୀପ କୁମାର ଧାଉଡ଼ିଆ) : ବିଶ୍ଵ ଏଡସ୍ ଦିବସ ହେଉଛି ସର୍ବଭାରତୀୟ ସ୍ତରରେ ସ୍ମରଣୀୟ ସ୍ୱାସ୍ଥ୍ୟସେବା କାର୍ଯ୍ୟକ୍ରମ । ଯାହା ୧୯୮୮ ମସିହା ପରଠାରୁ ପ୍ରତିବର୍ଷ ଡିସେମ୍ବର ୧ରେ ପାଳନ କରାଯାଏ । ଏହି ଦିନ ବିଭିନ୍ନ ସଚେତନତା ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୁଏ ଯାହାକି ଏଡସ୍ ରୋଗ ସଚେତନତାକୁ ପ୍ରୋତ୍ସାହିତ କରିଥାଏ । ଏଚ୍ଆଇଭି (ହ୍ୟୁମାନ୍ ଇମ୍ୟୁନୋଡେଫେସିଏନ୍ସି ଭାଇରସ୍)ରେ ଆକ୍ରାନ୍ତ ଲୋକମାନେ ଯେଭଳି ସମାଜରେ ସମ୍ମାନ ସହ ଜୀବନ ବିତାଇବେ ସେଥିପାଇଁ ପରିବେଶ ସୃଷ୍ଟି କରିବା ଏଡ଼ସ୍ ସମ୍ବନ୍ଧୀୟ ରୋଗରେ ମୃତ୍ୟୁବରଣ କରିଥିବା ଲୋକଙ୍କୁ ମନେପକାଇବା, ଏବଂ ଜୀବାଣୁ ବିସ୍ତାର ବିରୁଦ୍ଧରେ ସଂଗ୍ରାମ ଜାରି ରଖିବା ହେଉଛି ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ । ଦିନ ଥିଲା ଯେତେବେଳେ ଏହାର ଚିକିତ୍ସା ସମ୍ପୂର୍ଣ୍ଣ ଭାବେ ଉପଲବ୍ଧ ନଥିଲା, କିନ୍ତୁ ବର୍ତ୍ତମାନ ଯେଭଳି ଉନ୍ନତ ଚିକିତ୍ସା ପଦ୍ଧତି ସୁବିଧା ରହିଛି ଏଚ୍ଆଇଭି ରୋଗୀମାନେ ନିରାପଦ ଭାବରେ ଦୀର୍ଘ ଏବଂ ସୁସ୍ଥ ଜୀବନ ବିତାଇ ପାରିବେ । ପ୍ରାୟ ୩.୮୪ କୋଟି ଲୋକ (୩.୬୭ କୋଟି ବୟସ୍କ ଏବଂ ୧୫ ବର୍ଷରୁ କମ୍ ୧୭ ଲକ୍ଷ ପିଲା) ଏଚ୍ଆଇଭି ସଂକ୍ରମିତ ହୋଇଥିବା ଜଣାଯାଇଛି (୨୦୨୧ ସୁଦ୍ଧା) । ସେମାନଙ୍କ ମଧ୍ୟରେ ୫୪% ମହିଳା ଏବଂ ବାଳିକା ଅଛନ୍ତି, ଯେଉଁମାନେ ପ୍ରଭାବିତ ହୋଇଛନ୍ତି । ସେମାନଙ୍କ ମଧ୍ୟରୁ ଅଧିକାଂଶ କମ୍ ଏବଂ ମଧ୍ୟମ ଆୟକାରୀ ରାଷ୍ଟ୍ରଗୁଡିକ । ଚଳିତ ବର୍ଷ ହେଲା ଏହି ଗୁରୁତ୍ୱପୂର୍ଣ୍ଣ ଦିନର ୩୫ ତମ ସ୍ମୃତିଚାରଣ ଦିବସ । ବିଗତ ୩୫ ବର୍ଷ ମଧ୍ୟରେ, ଡାକ୍ତର ଅନୁସନ୍ଧାନରେ ଅଗ୍ରଗତି, ଚିକିତ୍ସା ତଥା ପ୍ରତିରୋଧ ଶକ୍ତିରେ ବୃଦ୍ଧି ଏବଂ ଜୀବାଣୁ ବିଷୟରେ ଏକ ବ୍ୟାପକ ବୁଝାମଣା ଯୋଗୁଁ ଏଚ୍ଆଇଭିଏବଂ ଏଡସ୍ ମୁକାବିଲା କରିବାରେ ଉଲ୍ଲେଖନୀୟ ଅଗ୍ରଗତି ହୋଇଛି । ବିଶ୍ୱ ଏଡସ୍ ଦିବସ ଏକ ନିର୍ଣ୍ଣାୟକ ମୁହୂର୍ତ୍ତରେ ପହଞ୍ଚିଛି । ୨୦୦୪ ମସିହାରେ ଏଡ଼୍ଡ୍ସ୍ ସମ୍ବନ୍ଧୀୟ ମୃତ୍ୟୁ ପ୍ରାୟ ୭୦% ହ୍ରାସ ପାଇଛି ଏବଂ ୨୯୮୦ ଦଶକ ପରଠାରୁ ନୂତନଏଚ୍ଆଇଭି ସଂକ୍ରମଣ ସର୍ବନିମ୍ନ ସ୍ତରରେ ରହିଛି । କିନ୍ତୁ ଏଡସ୍ ପ୍ରତି ମିନିଟ୍ରେ ଏକ ଜୀବନ ନେଇଥାଏ । ଆମେ ୨୦୩୦ସୁଦ୍ଧା ଜନସ୍ୱାସ୍ଥ୍ୟ ବିପଦ ଭାବରେ ଏଡସ୍କୁ ସମାପ୍ତ କରିପାରିବା । ଏହି ଲକ୍ଷ୍ୟରେ ପହଞ୍ଚିବା ଅର୍ଥ ହେଉଛି ଏହି ବର୍ଷର ବିଷୟବସ୍ତୁକୁ ଧ୍ୟାନ ଦେବା ସ୍ଥାନୀୟ ସମ୍ପ୍ରଦାୟ ଆଗେଇ ଆସନ୍ତୁ । ଏଡସ୍କୁ ସମାପ୍ତ କରିବାକୁ ହେଲେ ସ୍ଥାନୀୟ ସମ୍ପ୍ରଦାୟଙ୍କ ସହଯୋଗୀତାରେ ହିଁ ସଫଳ ହେବ । ଏହାର ଅର୍ଥ ହେଉଛି ଏଚ୍ଆଇଭି ଯୋଜନା, କାର୍ଯ୍ୟକ୍ରମ, ବଜେଟ୍ ଏବଂ ମନିଟରିଂ ପ୍ରୟାସର କେନ୍ଦ୍ରରେ ସ୍ଥାନୀୟ ସମ୍ପ୍ରଦାୟର ନେତୃତ୍ୱ ରହିବା ଆବଶ୍ୟକ ଅଟେ । ଏଡସ୍ ମହାମାରୀ ଅପେକ୍ଷା ପୃଥିବୀ ପୃଷ୍ଠରେ କୌଣସି ଯୁଦ୍ଧ ଅଧିକ ବିନାଶକାରୀ ନୁହେଁ ।