ଭୁବନେଶ୍ୱର, (ପିଆଇବି) : ସ୍ୱାଧୀନତାର ୭୫ତମ ବାର୍ଷିକ ଅବସରରେ ପାଳିତ ହେଉଥିବା ଆଜାଦି କି ଅମୃତ ମହୋତ୍ସବର ଅଂଶ ସ୍ୱରୂପ ଓଡିଶାରେ ଆର୍ଇସି ଲିମିଟେଡ ପକ୍ଷରୁ ‘ବିଜୁଳି ଉତ୍ସବ’ ଆୟୋଜିତ ହୋଇଯାଇଛି । ଆର୍ଇସି ଏକ ରାଷ୍ଟ୍ରାୟତ୍ତ କମ୍ପାନୀ ଏବଂ ଏହା ଶକ୍ତି ମନ୍ତ୍ରଣାଳୟ ଅଧୀନରେ କାର୍ଯ୍ୟ କରୁଛି । ଏହି ବିଜୁଳିତ୍ତଉତ୍ସବ ପୁରୀ ଜିଲ୍ଲାର ସଦର ବ୍ଲକ ଅନ୍ତର୍ଗତ ମାଳତୀପାଟପୁର ପଂଚାୟତର ଜାନକାଦେଈପୁରଠାରେ ଗତକାଲି ଆୟୋଜିତ ହୋଇଥିଲା ।
ପୁରୀର ବିଧାନସଭା ସଦସ୍ୟ ଜୟନ୍ତ କୁମାର ଷଡଙ୍ଗୀ, ପୁରୀ ସଦର ବ୍ଲକର ଅଧ୍ୟକ୍ଷ ଦିବାକର ପାତ୍ର, ମାଳତୀପାଟପୁରର ସରପଞ୍ଚ ମହେନ୍ଦ୍ର କୁମାର ମହାପାତ୍ର, ଟିପିସିଓଡିଏଲ୍ର କାର୍ଯ୍ୟ ନିର୍ବାହୀ ଯନ୍ତ୍ରୀ ଶିବପ୍ରସାଦ ସ୍ୱାଇଁ, ଆର୍ଇସି ଓଡିଶାର ମୁଖ୍ୟ କାର୍ଯ୍ୟକ୍ରମ ପରିଚାଳକ ବିଜୟ କୁମାର ମହାନ୍ତି ପ୍ରମୁଖ ଅତିଥିଭାବେ ଯୋଗଦେଇ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଏହି କାର୍ଯ୍ୟକ୍ରମରେ ଆର୍ଇସି ଓ ଟିପିସିଓଡିଏଲ୍ର ଅଧିକାରୀଗଣ ଉପସ୍ଥିତ ଥିଲେ ।
ବିଧାୟକ ଷଡଙ୍ଗୀ ତାଙ୍କ ଉଦ୍ବୋଧନରେ ବିଜୁଳିର ଆବଶ୍ୟକତା ଓ ଲାଭ ସମ୍ପର୍କରେ କହିବା ସହିତ ଏହା କିପରି ମଣିଷର ଜୀବନଧାରଣର ମାନ ବଢାଇବାରେ ସହାୟକ ହେଉଛି ତାହା ବୁଝାଇଥିଲେ । ଏହି ଅବସରରେ ସୌଭାଗ୍ୟ ଯୋଜନାର କେତେକ ହିତାଧିକାରୀଙ୍କୁ ମଂଚକୁ ନିମନ୍ତ୍ରଣ କରାଯାଇଥିଲା । ପ୍ରଧାନମନ୍ତ୍ରୀ ସହଜ ବିଜ୍ଲି ହରଘର ଯୋଜନା ବା ସୌଭାଗ୍ୟ ଯୋଜନାରେ ସେମାନେ କିପରି ଉପକୃତ ହୋଇଛନ୍ତି ସେ ବିଷୟରେ ସେମାନେ ନିଜର ଅନୁଭୂତି ବର୍ଣ୍ଣନା କରିଥିଲେ । ଓଡିଶାର ଗ୍ରାମାଞ୍ଚଳରେ ବିଦ୍ୟୁତ୍କରଣ କାର୍ଯ୍ୟ କରିବା ସମୟରେ ସମ୍ମୁଖୀନ ହୋଇଥିବା ସମସ୍ୟା ଓ ଆହ୍ୱାନଗୁଡିକ ବିଷୟରେ ଆର୍ଇସିର ମୁଖ୍ୟ କାର୍ଯ୍ୟକ୍ରମ ପରିଚାଳକ ବିଜୟ କୁମାର ମହାନ୍ତି କହିଥିଲେ । ଗ୍ରାମବାସୀଙ୍କ ମନୋରଞ୍ଜନ ପାଇଁ ଏହି ଅବସରରେ ଓଡିଶୀ ଓ ଗୋଟିପୁଅ ନାଚ ଆଦି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ସ୍କୁଲ ପିଲାମାନଙ୍କ ମଧ୍ୟରେ ମଧ୍ୟ ତର୍କ ଓ ପ୍ରବନ୍ଧ ପ୍ରତିଯୋଗିତା କରାଯାଇ କୃତି ପ୍ରତିଯୋଗୀଙ୍କୁ ଏଲ୍ଇଡି ବଲ୍ବ ପୁରସ୍କାର ଆକାରରେ ଦିଆଯାଇଥିଲା । ଏହି କାର୍ଯ୍ୟକ୍ରମରେ ଅଧିକ ଜନସମାଗମ ହୋଇଥିବାରୁ କୋଭିଡ ନିୟମ ପାଳନ କରାଯାଇଥିଲା । ସମସ୍ତେ ମାସ୍କ ପରିଧାନ କରିବା ସହିତ ଶାରୀରିକ ଦୂରତ୍ୱ ରକ୍ଷା କରିଥିଲେ । ଆୟୋଜକଙ୍କ ପକ୍ଷରୁ ସମସ୍ତଙ୍କୁ ମାସ୍କ ଯୋଗାଇ ଦିଆଯାଇଥିଲା । ଆର୍ଇସି ଲିମିଟେଡ ସମ୍ପର୍କରେ:- ଆର୍ଇସି ଲିମିଟେଡ ଏକ ଏନ୍ବିଏଫସି ବା ଏକ ଅଣବ୍ୟାଙ୍କିଙ୍ଗ୍ ଅର୍ଥ ଲଗାଣକାରୀ କମ୍ପାନୀ । ଏହା ଶକ୍ତି କ୍ଷେତ୍ରରେ ଅର୍ଥଲଗାଣ ଓ ବିକାଶ କାର୍ୟ୍ୟ ଭାରତରେ କରୁଛି । ୧୯୯୬ରେ ପ୍ରତିଷ୍ଠିତ ଏହି ସଂସ୍ଥା ଏ କ୍ଷେତ୍ରରେ ୫୦ବର୍ଷ ପୂରଣ କରିସାରିଲାଣି । ଏହା ରାଜ୍ୟ ବିଦ୍ୟୁତ ବୋର୍ଡ କେନ୍ଦ୍ର ଓ ରାଜ୍ୟ ସରକାରଙ୍କ ଶକ୍ତି ବିଷୟକ ସଂସ୍ଥା ଓ ଅନୁଷ୍ଠାନକୁ ଆର୍ଥିକ ସହାୟତା ଯୋଗାଇଥାଏ । ଏହା ମଧ୍ୟ ସ୍ୱାଧୀନ ଭାବେ ଶକ୍ତି ଉତ୍ପାଦନ କରୁଥିବା ବ୍ୟକ୍ତିବିଶେଷ ଓ ସଂସ୍ଥାକୁ ଆର୍ଥିକ ସହାୟତା ଓ ଅନ୍ୟାନ୍ୟ ପରାମର୍ଶ ଦିଏ । ଗ୍ରାମାଞ୍ଚଳ ବିଦ୍ୟୁତ୍କରଣ ଓ ଅନ୍ୟାନ୍ୟ ବିଜୁଳି କ୍ଷେତ୍ରରେ ଏହି ସଂସ୍ଥା କାମ କରିବା ସହିତ ଆଥିôର୍କ ସହାୟତା ଓ ବୈଷୟିକ ପରାମର୍ଶ ଯୋଗାଏ । ସଂକ୍ଷେପରେ କହିଲେ ବିଜୁଳି ଉତ୍ପାଦନଠାରୁ ଆରମ୍ଭ କରି ପରିବହନ, ବଂଟନ ଏବଂ ଅକ୍ଷୟଶକ୍ତି ବିକାଶ ଆଦି ବିଭିନ୍ନ କ୍ଷେତ୍ରରେ ଏହି ସଂସ୍ଥା କାମ କରୁଛି । ଆର୍ଇସିର ଅର୍ଥ ଯୋଗାଣ ଦ୍ୱାରା ଭାରତରେ ପ୍ରତି ଚାରିଟିରେ ଗୋଟିଏ ବଲ୍ବ ଏବେ ଜଳୁଛି ।
ଅଧିକ ଜାଣିବାକୁ ଯୋଗାଯୋଗ କରନ୍ତୁ କର୍ପୋରେଟ କମ୍ୟୁନିକେଶନ ଆଣ୍ଡ ପବ୍ଲିକ ରିଲେସନ ଟିମ୍ ଆର୍ଇସି ଲିମିଟେଡ ।[email protected] ; [email protected]
Website: https://www.recindia.nic.in/
Facebook: https://www.facebook.com/reclindia
Twitter: https://twitter.com/reclindia
Instagram: https://www.instagram.com/reclindia/
LinkedIn: https://www.linkedin.com/company/reclindia/