ବଲାଙ୍ଗିର, (କେପିଏନ୍ଏସ୍) : ପୁଇଁନ୍ତଲା ବ୍ଲକ ସ୍ତରୀୟ ବିଜ୍ଞାନ ମେଳା ଭର୍ଚୁଆଲ ମୋଡରେ ବ୍ଲକ ଶିକ୍ଷା ଅଧିକାରୀ ପୁଇଁନ୍ତଲାଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ବିଭିନ୍ନ କ୍ଲଷ୍ଟରରୁ ଅନ୍ଲାଇନ୍ ମାଧ୍ୟମରେ ବିଜ୍ଞାନ ପ୍ରକଳ୍ପମାନ ସଂଗୃହୀତ ହୋଇ ବ୍ଲକରେ ପ୍ରଦର୍ଶିତ ହୋଇଥିଲା । ବିଜ୍ଞାନ ଶିକ୍ଷକ ସୁନିଲ କୁମାର ବେହେରା ଓ ସୁଧାନିଧି ମିଶ୍ର ବିଚାରକ ଭାବେ ଯୋଗଦାନ କରି ପ୍ରକଳ୍ପ ଗୁଡିକୁ ଚୟନ କରିଥିଲେ । ୫ଟି ଉପବିଷୟ ବସ୍ତୁରୁ ବନ୍ଧପଡା ଉଚ୍ଚ ବିଦ୍ୟାଳୟର ଅର୍ଚ୍ଚନା ପଧାନ, ବିନେବା ହାଇସ୍କୁଲ ଛତାମଖନାର ପ୍ରିୟମ୍ବଦା ଘିବେଲା ଓ ବିଜୟଲକ୍ଷ୍ମୀ ମିଶ୍ର, ଛତାପିପଲ ଉଚ୍ଚ ବିଦ୍ୟାଳୟର ମଞ୍ଜେଶ ବାଗ ଓ ଭାଲେର ଉଚ୍ଚ ବିଦ୍ୟାଳୟର ରୁକ୍ମିଣୀ ଘିବେଲା ଜିଲ୍ଲା ସ୍ତରୀୟ ବିଜ୍ଞାନ ମେଳାକୁ ମନୋନୀତ ହୋଇଛନ୍ତି । ପୁଇଁନ୍ତଲା ବିଇଓ ରାଘବ ପାଣିଗ୍ରାହୀଙ୍କ ତ୍ତତତ୍ତ୍ୱାବଧାନରେ ବ୍ଲକ ବିଜ୍ଞାନ ସଂଯୋଜକ ଜୟକୃଷ୍ଣ ନାଏକ, ଏମଆଇଏସ ପ୍ରୋଗ୍ରାମ କୋର୍ଡିନେଟର ଶିବାନନ୍ଦ ସେଠ କାର୍ଯ୍ୟକ୍ରମକୁ ପରିଚାଳନା କରିଥିଲେ । କାର୍ଯ୍ୟକ୍ରମରେ ଡିଏସଏସ ସରୋଜ ନାୟକ, ଏବିଇଓ ଶ୍ରୀଧର ଦାଶ, ଆବାହକ ତରଣୀସେନ ପଟେଲ, ଆନନ୍ଦ ବଡପଣ୍ଡା, ସୁଧାଂଶୁ ପାତ୍ର ପ୍ରମୁଖ ଉପସ୍ଥିତ ଥିଲେ ।