ରାଉରକେଲା, (ସସ୍ମିତା ପ୍ରଧାନ) : ହମିରପୁର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ୩୫ତମ ବାର୍ଷିକୋତ୍ସବ ମହାସମାରୋହରେ ପାଳିତ ହୋଇଯାଇଛି । ଆମ ସଂସ୍କୃତି ଆମ ଖେଳନା କାର୍ଯ୍ୟକ୍ରମ ଅନ୍ତର୍ଗତ ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପ୍ରଫୁଲିତ୍ ଭେଙ୍ଗ୍ରା ସଭାପତିତ୍ୱ କରିଥିଲେ । ବିଶ୍ରା ଏବିଇଓ ସତ୍ୟଭାମା ବେହେରା ମୁଖ୍ୟଅତିଥି, ଜର୍ଣ୍ଣାଲିଷ୍ଟ ଆସୋସିଏସନ୍ର ଉପସଭାପତି ତଥା କବି କୁଞ୍ଜବିହାରୀ ରାଉତ ମୁଖ୍ୟବକ୍ତା, ସମ୍ମାନିତ ଅତିଥି ଭାବେ ସୋନା ପର୍ବତ ବିଦ୍ୟାଳୟର ପ୍ରଧାନଶିକ୍ଷକ ସୁପ୍ରଭାତ କୁମାର ବେହେରା, ହମିରପୁର ଉନ୍ନୟନ ପରିଷଦର ସଭାପତି ଡ଼ଃ ସୁମନ ଦତ୍ତ, ଆର୍ଇସି କ୍ଲଷ୍ଟରର ସିଆର୍ସିସି ସିପ୍ରା ସାହୁ, ହମିରପୁର ହାଇସ୍କୁଲର ପ୍ରଧାନଶିକ୍ଷୟିତ୍ରୀ ସୁନିତା ବେହୁରା, ସମାଜସେବୀ କମ୍ୟୁନିଷ୍ଟ ଗୌଡ, ମନୋଜ କୁମାର ମିଶ୍ର ଓ ସ୍କୁଲ ପରିଚାଳନା ସମିତିର ଅଧ୍ୟକ୍ଷ ବସନ୍ତ କୁମାର ନାୟକ ପ୍ରମୁଖ ଯୋଗ ଦେଇଥିଲେ । ହାଇସ୍କୁଲର ବରିଷ୍ଠ ଶିକ୍ଷକ ରଞ୍ଜନ କୁମାର ସାମଲ ମଞ୍ଚ ସଂଯୋଜନା ସହ ଅତିଥି ମାନଙ୍କ ପରିଚୟ ପ୍ରଦାନ କରିଥିଲେ । ଅତିଥି ମାନେ ସେମାନଙ୍କ ବକ୍ତବ୍ୟରେ ଛାତ୍ରଛାତ୍ରୀଙ୍କୁ ଶିକ୍ଷାକୁ ଆୟତ କରିବା ପାଇଁ ପରିଶ୍ରମ, ଖେଳକୁଦ ଓ ଅନ୍ୟାନ୍ୟ ବୌଦ୍ଧିକତା କାର୍ଯ୍ୟକ୍ରମର ଲିପ୍ତ ରହିବା ସହ ପରିବେଶ ସ୍ୱଚ୍ଛତା ପ୍ରତି ଦୃଷ୍ଟି ଦେବା ଓ ପିତାମାତାଙ୍କ ସହ ଗୁରୁଜନଙ୍କୁ ସମ୍ମାନ ଲଘୁଜନଙ୍କୁ ସ୍ନେହ କରିବା ପାଇଁ ପରାମର୍ଶ ଦେଇଥିଲେ । ପ୍ରାରମ୍ଭରେ ବିଦ୍ୟାଳୟର ଛାତ୍ରୀମାନେ ସ୍ୱାଗତ ସଂଗୀତ ଗାନ କରିଥିବା ବେଳେ ପୂର୍ବରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ଅତିଥି ମାନେ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମ ପରିଚାଳନାରେ ରଞ୍ଜିତା ପ୍ରଧାନ, ସ୍ୱର୍ଣ୍ଣଲତା ମହାନ୍ତି, ହାଇସ୍କୁଲର ଲମ୍ବୋଦର ମହାଳିକ, ଦୈତାରୀ ଠାକୁର, ଅମିତା ଦାସ, ଅନୂସୟା ଶତପଥୀ, ମୀନତି ମହାପାତ୍ର, ପ୍ରଫୁଲ୍ଲ ପ୍ରଧାନ, ସୁନିତା ନାୟକ, ସୁକେଶିନୀ କିରୋ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।