ସୁବର୍ଣ୍ଣପୁର, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ସିଲଟି ଠାରେ ବାର୍ଷିକ କ୍ରୀଡା ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଅଧ୍ୟକ୍ଷ ଅନିଲ କୁମାର ପଟେଲ କ୍ରୀଡା ପତାକା ଉତ୍ତୋଳନ ଓ ଶ୍ରୀ ଅରବିନ୍ଦଙ୍କ ଠାରେ ଧୂପପୁଷ୍ପ ଅର୍ପଣ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଏହି କାର୍ଯ୍ୟକ୍ରମରେ ସୁନୀଲ ଭାଇ ଖେଳ ପରିଚାଳନା କରିଥିଲେ । ଛାତ୍ରଛାତ୍ରୀଙ୍କ ମଧ୍ୟରେ ମ୍ୟୁଜିକ ଚେୟାର, ଦୌଡ଼, ଲମ୍ବ ଡିଆଁ, ଉଚ୍ଚ ଡିଆଁ, ବାଟି ଚାମଚ ଦୌଡ଼, ଗୋଲା ଫିଙ୍ଗା, ଲକ୍ଷ୍ୟଭେଦ ଖେଳ, ସଟ୍ପୁଟ୍, ଡ଼ିସ୍କସ୍ ଥ୍ରୋ, ଦଉଡି ଡିଆଁ, ଗଣିତ ଦୌଡ଼, ମିଠା ଦୌଡ଼ ପରି ଖେଳ ଅନୁଷ୍ଠିତ ହୋଇଥିଲା । ଗୁରୁଜୀ ମଧୁସୂଦନ ଭାଇ, ବାମଦେବ ଭାଇ, ଘନ ଭାଇ, ସୁଶାନ୍ତ ଭାଇ ଚିନ୍ତାମଣି ଭାଇ, ଆଲୋକ ଭାଇ, ଦୀପକ ଭାଇ, ବର୍ଷା ଅପା, କୌଶଲ୍ୟା ଅପା, ରସେଶ୍ୱରୀ ଅପା, ସ୍ୱାଗତିକା ଅପା ସମସ୍ତ ଶିଶୁ ଭାଇଭଉଣୀ ଓ ଅଭିଭାବକ ସହଯୋଗ କରିଥିଲେ ।