ବରଗଡ଼, (ସତ୍ୟ ନାରାୟଣ ପ୍ରଧାନ) : କୋଭିଡ କଟକଣା ମଧ୍ୟରେ ବରଗଡ଼ର ବିଭିନ୍ନ ସ୍ଥାନରେ ପବିତ୍ର ଜନ୍ମାଷ୍ଟମୀ ମହୋତ୍ସବ ପାଳିତ ହୋଇଯାଇଛି । ଗୌରପଡା, ଅମ୍ବାପାଲି ସ୍ଥିତ ବେଣୁବାବା ମଠ, କଲେଜ ରୋଡ଼ ରାଧାକୃଷ୍ଣ ମନ୍ଦିର, ହାଟପଦା ରାଧାକୃଷ୍ଣ ମନ୍ଦିର ଠାରେ ଶ୍ରୀକୃଷ୍ଣଙ୍କ ଜନ୍ମାଷ୍ଟମୀ ମହୋତ୍ସବ ପାଳନ କରାଯାଇଥିଲା । କୋଭିଡ ନିୟମାନୁଯାୟୀ ଭକ୍ତମାନେ ପର୍ଯ୍ୟାୟ କ୍ରମେ ମନ୍ଦିରଗୁଡିକକୁ ଯାଇ ପୂଜାର୍ଚ୍ଚନା କରିଥିଲେ । ସେହିପରି କୌଣସି ସ୍ଥାନରେ ନାମ ଯଜ୍ଞ ଅଷ୍ଟପ୍ରହରୀ ହୋଇ ନ ଥିଲା । ଗୌରପଡା ଠାରେ ଦିନ ତମାମ ଚାଲିଥିବା କାର୍ଯ୍ୟକ୍ରମରେ ହୋମ ଯଜ୍ଞ, ଗୀତା ପାଠ ଅନୁଷ୍ଠିତ ହୋଇଥିଲା । ପଣ୍ଡିତ ଉମେଶ ଚନ୍ଦ୍ର ପାଣିଗ୍ରାହୀ ପୁରୋହିତ କାର୍ଯ୍ୟ ତୁଲାଇଥିଲେ । କର୍ତ୍ତା ଭାବେ ଲୋକନାଥ ସାହୁ ଏବଂ ଅନିତା ପୂଜା କାର୍ଯ୍ୟ ତୁଲାଇଥିଲେ ।