ଭୁବନେଶ୍ୱର, (ସୁଶାନ୍ତ ସାହୁ) : ବନ୍ଦର ପ୍ରଭାବରେ ରେଳରୋକ ଚାଲିଥିବା ବେଳେ ଭୁବନେଶ୍ୱର ରେଳ ଷ୍ଟେସନରେ ଅଖିଳ ଭାରତୀୟ କୃଷକ ସଂଗଠନ ପକ୍ଷରୁ ବନ୍ଦ ପାଳନ କରାଯାଇଛି । ସଂଗଠନର କର୍ମୀମାନେ ରେଳ ଧାରଣା ଉପରେ ରହି ବିରୋଧ ପ୍ରଦର୍ଶନ କରିବାରୁ କିଛି ସମୟ ପାଇଁ ରେଳ ଚଳାଚଳ ବନ୍ଦ ରହିଥିବା କୁହାଯାଇଛି । ପିକେଟିଂ କରି ଆନ୍ଦୋଳନକାରୀମାନେ ଦୋକାନ ବଜାର ବନ୍ଦ କରୁଥିବା ଦେଖିବାକୁ ମିଳିଛି । ତେବେ ଆଜି ବନ୍ଦର ପ୍ରଭାବରେ ଅଖଚକ ବନ୍ଦ ହୋଇଯାଇଥିବା କୁହାଯାଇଛି । ରାଜଧାନୀର ଏଜି ସ୍କୋୟାରରେ କୃଷକ ସଂଗଠନର ବନ୍ଦ ପାଳନକୁ ସମର୍ଥନ ଜଣାଇ ରାସ୍ତାକୁ ଓହ୍ଲାଇଛନ୍ତି ସିପିଆଇ, ଏଆଇଟିୟୁସି, ବିକେଏମୟୁ । କର୍ମୀମାନେ ବ୍ୟାନର ପୋଷ୍ଟର ଧରି ମାଷ୍ଟର କ୍ୟାଂଟିନ ଛକରେ ବିରୋଧ ପ୍ରଦର୍ଶନ କରିଛନ୍ତି । ବନ୍ଦର ପ୍ରଭାବ ଜୟଦେବବିହାର ଛକରେ ଦେଖିବାକୁ ମଳିଛି । ଚାଷୀ ଆନ୍ଦୋଳନ ପାଇଁ ଜୟଦେବ ବିହାର ଛକରେ ମଧ୍ୟ ଅଟକି ରହିଛି ୫ଶହରୁ ଅଧିକ ଗାଡ଼ି । କଟକରେ ବନ୍ଦର ପ୍ରଭାବ ବାଦାମବାଡି ବସଷ୍ଟାଣ୍ଡରେ ବି ଦେଖିବାକୁ ମିଳିଛି ।