୨୨ତମ ଫେଡେରେସନ କପ-୨୦୨୪ ପାଇଁ : ୬ ଜଣିଆ ବଲାଙ୍ଗିର କରାଟେ ସ୍କୁଲ ଦଳର ବନାରସ ଯାତ୍ରା
ବଲାଙ୍ଗିର, (ଦେବାଶିଷ ମିଶ୍ର) : ଅଲ ଇଣ୍ଡିଆ ସେଇସିନକାଇ ସିଟୋର୍ୟୁ କରାଟେ ଡୁ ଫେଡେରେସ ଆନୁକୁଲ୍ୟରେ ବାରଣାସି ସ୍ଥିତ ବିଶ୍ୱବିଦ୍ୟାଳୟ ଇନଡୋର ଷ୍ଟାଡିୟମ ଠାରେ ୨୨ତମ ଫେଡେରେସନ କପ ୨୦୨୪ କରାଟେ ଚମ୍ପିୟାନସିପ୍ ଆୟୋଜିତ ହୋଇଅଛି । ଅଲ ଇଣ୍ଡିଆ ସେଇସିନକାଇର ମୁଖ୍ୟ ହାଂଶୀ ପ୍ରେମଜିତ ସେନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଚଳିତ ଡିସେମ୍ବର ମାସ ୨୮ ଓ ୨୯ ତାରିଖ ଦୁଇ ଦିନ ଧରି ହେବାକୁ ଥିବା ଏହି ଚମ୍ପିୟାନସିପରେ ଦେଶର ବିଭିନ୍ନ ରାଜ୍ୟରୁ ପ୍ରତିଯୋଗୀ ଅଂଶଗ୍ରହଣ କରିବେ । ବଲାଙ୍ଗିର ଜିଲ୍ଲା କରାଟେ ସ୍କୁଲ ୬ ଜଣିଆ କରାଟେକା ଦଳ ଏହି ଚମ୍ପିୟାନସିପରେ ଅଂଶଗ୍ରହଣ କରିବା ପାଇଁ ଟିମ୍ ମୁଖ୍ୟ କୋଚ ତଥା ସ୍କୁଲର ସଂପାଦକ ହୃଦୟ ଶବର, ସହ କୋଚ ଚନ୍ଦ୍ର ଶେଖର ସେଠ ଓ ମ୍ୟାନେଜର ପୁରୁଷୋତ୍ତମ ବାଗଙ୍କ ନେତୃତ୍ୱରେ ଆଜି ସକାଳେ ଟ୍ରେନ ଯୋଗେ ବନାରସ ଯାତ୍ରା କରିଛନ୍ତି ।